Shocking News: 7 तास थांबला श्वास... एकीकडे चिता रचली जात असताना अचानक 102 वर्षीय महिलेने उघडले डोळे

उत्तराखंडमधील घटना; डॉक्टरांनी 7 तासांपुर्वी मृत घोषित केले होते, नातेवाईक अवाक
Shocking News In Dehradun
Shocking News In DehradunDainik Gomantak

Shocking News: उत्तराखंडमधील रुरकी गावात एका वृद्ध महिलेचा मृत्यू झाला होता, तिच्या अंत्यसंस्काराची तयारी सुरू होती. अंत्यसंस्कारासाठी सर्व नातेवाईकही पोहोचले. मात्र अचानक मृत महिलेच्या शरीरातील हालचाल पाहून सगळेच अवाक् झाले. या महिलेने तब्बल सात तासानंतर डोळे उघडले आणि सर्वानाच धक्का बसला. या महिलेचे वय 102 वर्षे आहे.

या प्रकाराने उपस्थित नातेवाईक, गावकऱ्यांचा कोणाचाही स्वतःच्या डोळ्यांवर विश्वास बसत नव्हता, पण मृत वृद्ध महिलेने डोळे उघडल्यानंतर उपस्थित सर्वांच्याच आनंदाला पारावार उरला नाही.

Shocking News In Dehradun
Chinese Syp Balloon: अमेरिकेच्या आकाशात चीनचा स्पाय बलून; हेरगिरीचा पेंटॅगॉनचा आरोप

ही घटना उत्तराखंडच्या मंगलोर भागातील आहे. मंगळूर भागातील नरसन खुर्द येथील रहिवासी असलेल्या विनोद यांची १०२ वर्षे वय असलेली आई ज्ञानदेवी काही दिवसांपासून आजारी होती. अचानक ती बेशुद्ध पडली, त्यानंतर नातेवाईकांनी डॉक्टरांना बोलावले. तपासणीनंतर डॉक्टरांनी त्यांना मृत घोषित केले. यामुळे कुटुंबात शोककळा पसरली.

कुटूंबीयांनी त्यांच्या मृत्यूची माहिती सर्व नातेवाईकांना दिली, त्यानंतर सर्व नातेवाईक आणि ग्रामस्थ त्यांच्या घरी जमा झाले. अंतिम संस्काराची सर्व तयारी पूर्ण झाली होती. अंत्यसंस्कारासाठी मृतदेह नेणार असतानाच अचानक ज्ञानदेवी यांच्या शरीरात काही हालचाल जाणवली.

Shocking News In Dehradun
Goa Helicopter Ride: गोव्यात आज हेलिकॉप्टर सेवेचा शुभारंभ; पर्यटकांना आसमंतातून घेता येणार विहंगम दर्शन

त्यानंतर काही वेळातच ज्ञानदेवींनी डोळे उघडले. घरातल्यांनी त्यांना काही खायला हवे काय, असे विचारले असता या महिलेने चाट खायची इच्छा व्यक्त केली. त्यामुळे नातेवाईकांनी लगेचच गावातून त्यांच्यासाठी चाट आणले. ते खाल्ल्यानंतर ज्ञानदेवी अगदी पुर्वीप्रमाणे सर्वसामान्यांप्रमाणे बोलू लागल्या.

महिलेच्या नातवाने सांगितले की, त्यांची आजी सुमारे सात तास मृत पडून होती. त्यानंतर तीने अचानक श्वास घेण्यास सुरुवात केली आणि अंत्यसंस्काराची तयारी झालेल्या घरात आनंदाचे वातावरण पसरले. विनोद यांच्या माहितीनुसार त्यांची आई संपूर्ण गावातील सर्वात वृद्ध महिला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com