Uttar Pradesh: उत्तर प्रदेशातील बिजनौरमध्ये भीषण अपघात झाला. बिजनौर जिल्ह्यातील मंडावर पोलीस स्टेशन परिसरात मंगळवारी उत्तर प्रदेश परिवहन महामंडळाची बस आणि ट्रक यांच्यात झालेल्या धडकेत एका प्रवाशाचा मृत्यू झाला असून 17 जण जखमी झाले आहेत. पोलिसांनी ही माहिती दिली.
पोलिस अधीक्षक (एसपी) दिनेश सिंह यांनी सांगितले की, मंगळवारी सकाळी ठाणे मंडावर भागातील मालन नदीच्या पुलावर भरधाव वेगात असलेली रोडवेज बस आणि ट्रक यांच्यात झालेल्या धडकेत बसमधील तस्लीम (65) या प्रवाशाचा मृत्यू झाला. तर 17 प्रवासी जखमी झाले आहेत. जखमींना जिल्हा रुग्णालयात (Hospital) दाखल करण्यात आल्याचे त्यांनी सांगितले.
दुसरीकडे, सुलतानपूर जिल्ह्यातील कादीपूर कोतवाली भागात लखनौ-बलिया महामार्गावर ट्रॅक्टर आणि वाहन यांच्यात झालेल्या भीषण अपघातात आझमगडमधील दोन मजूर ठार झाले. पोलिसांनी (Police) दोन्ही मृतदेह शवविच्छेदनासाठी पाठवून कायदेशीर कारवाई सुरु केली आहे.
पोलिसांनी दिलेल्या माहितीनुसार, सोमवारी रात्री कादीपूर कोतवाली भागातील पदरथपूर गावाजवळ, लखनौ-बलिया महामार्गावरील सुलतानपूर बाजूने जाणाऱ्या ट्रॅक्टर ट्रॉलीला विरुद्ध दिशेने येणाऱ्या वाहनाने जोरदार धडक दिली.
त्यांच्या म्हणण्यानुसार, धडक इतकी भीषण होती की, ट्रॅक्टरचा चकणाचूर झाला. पोलिसांनी दिलेल्या माहितीनुसार, ट्रॅक्टरचा चालक आणि त्यावर बसलेला अन्य एक जणाचा यामध्ये मृत्यू झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
