केंद्र सरकार आणि विरोधी पक्ष यांच्यात देशातील संस्थांचा वापर करत आवाज दाबण्यात येत असल्याचे आरोप केले जात आहेत. या पार्श्वभूमीवर बेकायदेशीर व्यवहार आणि बेहिशोबी मालमत्ते प्रकरणी काँग्रेस ज्येष्ठ नेते आणि माजी केंद्रीय मंत्री पी. चिदंबरम यांच्या मालमतेवर सकाळी 6 वाजता 9 ठिकाणी एकाच वेळी छापे टाकले आहेत. (CBI raids Karti Chidambaram's house )
मिळालेल्या माहितीनुसार केंद्रीय अन्वेषण ब्युरोने एका चालू प्रकरणाच्या संदर्भात काँग्रेस नेते पी चिदंबरम यांचा मुलगा कार्ती चिदंबरम यांच्या अनेक ठिकाणांवर छापे टाकले आहेत. त्यांच्या कार्यालयाने एएनआय या वृत्तसंस्थेला ही माहिती दिली आहे. यामध्ये चेन्नई, दिल्ली आणि मुंबईसह नऊ ठिकाणी शोध घेतला जात आहे.
कार्ती चिदंबरम हे तामिळनाडूमधील शिवगंगा येथून काँग्रेसचे खासदार आहेत. त्याच्याविरुद्ध सुरू असलेल्या खटल्यात सीबीआयने ही कारवाई केली आहे. सूत्रांनी दिलेल्या माहितीनुसार, तपास संस्थेने कार्ती चिदंबरम यांच्याविरुद्ध 2010 - 2014 दरम्यान कथित विदेशी निधीप्रकरणी नवीन गुन्हा दाखल केला आहे.
250 चिनी लोकांना व्हिसा दिल्याचा आरोप
कार्ती चिदंबरम यांनी चुकीच्या पद्धतीने पैसे घेत 250 चिनी लोकांना व्हिसा दिल्याचा आरोप आहे. हे प्रकरण पंजाबमधील एका वीज प्रकल्पाशी संबंधित आहे, ज्यामध्ये व्हिसा जारी करण्यात आला होता. याप्रकरणी सीबीआयने नवा गुन्हा दाखल केला आहे. चेन्नई, मुंबई, तामिळनाडू, पंजाब, ओडिशा एकूण 9 ठिकाणी छापे टाकण्यात येत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
