CBSE Board 12th And 10th Result 2023: केंद्रीय माध्यमिक शिक्षण मंडळाने 10वी आणि 12वी बोर्ड परीक्षेचा निकाल जाहीर केला आहे. शिक्षण मंडळाने (CBSE) नुकतेच निकालाबाबत एक परिपत्रक जारी केले होते. दहावीच्या परीक्षेत एकूण 93.12 टक्के विद्यार्थी उत्तीर्ण झाले आहेत. तर, बारावीच्या परीक्षेत एकूण 87.33 टक्के विद्यार्थी उत्तीर्ण झाले आहेत.
बारावी
बारावीत उत्तीर्ण झालेल्या 87.33 टक्के विद्यार्थ्यांपैकी, 90.68 टक्के मुली आणि 84.67 टक्के मुले आहेत.
त्रिवेंद्रम 99.91 टक्के उत्तीर्णतेसह अव्वल आहे. बंगळुरू 98.64 टक्क्यांसह दुसऱ्या, चेन्नई 97.40 टक्क्यांसह तिसऱ्या, दिल्ली पश्चिम 93.24 टक्क्यांसह चौथ्या आणि 91.88 टक्क्यांसह पाचव्या स्थानावर आहे.
दहावी
CBSE 10वी परीक्षेचा निकाल अधिकृत वेबसाइटवर जाहीर झाला आहे. या वर्षी दहावीची उत्तीर्णतेची टक्केवारी 93.12 टक्के इतकी नोंदवली गेली आहे. गेल्या वर्षीच्या तुलनेत हे प्रमाण कमी आहे.
दहावीच्या निकालानंतरही बोर्ड टॉपर्सची घोषणा करणार नाही. अनावश्यक स्पर्धा संपवण्यासाठी मंडळाने हा निर्णय घेतला आहे. विद्यार्थी संकेतस्थळाच्या लिंकवर जाऊन मार्कशीट डाउनलोड करू शकतात.
अनावश्यक स्पर्धा टाळण्यासाठी निकालात 3 मोठे बदल
- निकालासोबत विद्यार्थ्यांच्या प्रथम, द्वितीय आणि तृतीय श्रेणीची माहिती देणार नाही.
- गुणवत्ता यादी देखील जारी केली जाणार नाही.
- विषयनिहाय अव्वल 0.1 टक्के विद्यार्थ्यांना गुणवत्ता प्रमाणपत्र दिले जाईल.
येथे पाहा तुमचा निकाल
cbse.gov.in
results.nic.in
results.digilocker.gov.in
umang.gov.in
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
