Punjab-Haryana HC: सुसाईड नोटमधील नाव एखाद्याला दोषी सिद्ध करण्यासाठी पुरेसे नाही

उच्च न्यायालयाने सोनीपत जिल्हा न्यायालयाने सुनावलेला 5 वर्षांच्या शिक्षेचा आदेश बाजूला ठेवत याचिकाकर्त्याची सुटका करण्याचे आदेश दिले आहेत.
Punjab Haryana High Court
Punjab Haryana High CourtDainik Gomantak

Punjab Haryana High Court: पंजाब-हरियाणा उच्च न्यायालयाने अतिशय महत्त्वाचा निर्णय देताना स्पष्ट केले की, केवळ सुसाईड नोटमधील नावाच्या आधारे आत्महत्येस प्रवृत्त केल्याबद्दल दोषी ठरवले जाऊ शकत नाही. अशाच एका प्रकरणात, उच्च न्यायालयाने सोनीपत जिल्हा न्यायालयाने सुनावलेला 5 वर्षांच्या शिक्षेचा आदेश बाजूला ठेवत याचिकाकर्त्याची सुटका करण्याचे आदेश दिले आहेत.

दरम्यान, सोनीपत येथील रहिवासी असलेल्या रवी भारती यांनी उच्च न्यायालयात याचिका दाखल करताना आत्महत्येस प्रवृत्त केल्याप्रकरणी जिल्हा न्यायालयाने सुनावलेल्या 5 वर्षांच्या शिक्षेला उच्च न्यायालयात (High Court) आव्हान दिले होते.

Punjab Haryana High Court
Punjab-Haryana HC: 'कुठेतरी जावून मर' म्हणणे म्हणजे आत्महत्येस प्रवृत्त करणे नव्हे !

दुसरीकडे, याचिकाकर्त्याने म्हटले आहे की, केवळ सुसाइड नोटमधील नावाच्या आधारे, सोनीपत जिल्हा न्यायालयाने याचिकाकर्त्याला 2 मे 2022 रोजी दोषी ठरवले. विषारी द्रव्य प्राशन केल्याने त्या व्यक्तीचा मृत्यू झाल्याचे याचिकाकर्त्याने नमूद केले.

तसेच, सर्व पक्षकारांचे म्हणणे ऐकून घेतल्यानंतर न्यायालयाने याचिकाकर्त्याचे अपील मान्य केले. केवळ सुसाईड नोटमधील नावाच्या आधारे कोणालाही दोषी ठरवता येणार नाही, असे निरिक्षण न्यायालयाने नोंदवले. या खटल्याचा निकाल देताना न्यायालयाने आरोपीचा मृत व्यक्तीशी काय संबंध आहे, आत्महत्येस (Suicide) प्रवृत्त करण्याचे कारण काय आणि सुसाईड नोटमध्ये दिलेले कारण खरोखरच एखाद्याला आत्महत्येस प्रवृत्त करु शकते का, हे लक्षात घेतले पाहिजे.

Punjab Haryana High Court
माफियाच्या आमदार मुलाला High Court ने दिला मोठा झटका, अटकपूर्व जामीन फेटाळला

शिवाय, हॅडराइटिंग एक्सपर्टचा सल्ला घेतल्यानंतरच तपास अधिकाऱ्याने पुढे जावे, असे न्यायालयाने म्हटले आहे. ही निरीक्षणे नोंदवून उच्च न्यायालयाने अपील मंजूर करुन याचिकाकर्त्याच्या सुटकेचे आदेश दिले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com