ड्रोनद्वारे वैक्सीन डिलिवरी करणारे तेलंगणा पहिले राज्य: मुख्यमंत्री राव

तेलंगणा सरकारच्या (Telangana Government) महत्त्वाकांक्षी 'मेडिसिन फ्रॉम द स्काय' (Medicine from the Sky) प्रकल्पाचा हा एक भाग आहे.
Drone delivery
Drone deliveryDainik Gomantak

तेलंगणा सरकार (Telangana Government) आजपासून म्हणजेच गुरुवारपासून कोरोना लसीकरणाबाबत (Vaccination) नवीन प्रयोग करणार आहे. आजपासून तेलंगणामध्ये औषधे आणि कोरोना लसींच्या ड्रोन डिलिव्हरीची (Drone delivery) ट्रायल रन सुरु होणार आहे. तेलंगणा सरकारच्या महत्त्वाकांक्षी 'मेडिसिन फ्रॉम द स्काय' (Medicine from the Sky) प्रकल्पाचा हा एक भाग आहे. तेलंगणाचे मुख्यमंत्री के.चंद्रशेखर राव (Chief Minister K. Chandrasekhar Rao) सरकार यांनी एका निवेदनात म्हटले आहे की, 9 सप्टेंबर ते 10 ऑक्टोबर दरम्यान विकराबाद (हैदराबाद) येथे ड्रोनद्वारे औषधे पोहोचवण्याची चाचणी घेण्यात येईल.

Drone delivery
COVID-19: लसीकरणा मध्ये गर्भवती महिलांना प्राधान्य देण्याची शिफारस

दरम्यान, सरकारने एका निवेदनात म्हटले आहे की, पहिल्या दोन दिवसात ड्रोन दृश्य रेषेत भरारी घेतील. जमिनीपासून त्यांची उड्डाण उंची 500 ते 700 मीटर दरम्यान असेल आणि परिसरातील लोक त्यांना पाहू शकतील. यानंतर, म्हणजे 11 सप्टेंबरपासून, हे ड्रोन व्हिज्युअल लाईन (Beyond Visual Line of Sight, BVLOS) च्या वर उडतील आणि 9 ते 10 किलोमीटर अंतर कापतील. या दरम्यान, लस, वैद्यकीय नमुने आणि आरोग्याशी संबंधित इतर गोष्टींचे ड्रोनद्वारे वितरण करण्यात येईल.

असे करणारे देशातील पहिले राज्य

बीव्हीएलओएस (BVLOS) ड्रोन उड्डाणे अशी आहेत ज्यांचे उड्डाण उघड्या डोळ्यांनी पाहिले जाऊ शकत नाही, त्यांची श्रेणी 500-700 मीटरपेक्षा जास्त आहे. राज्य सरकारने म्हटले आहे की, यासह तेलंगणा कोविड -19 लसींच्या वितरणासाठी बियॉन्ड व्हिज्युअल लाइन ऑफ साईट (BVLOS) ड्रोन फ्लाइटची चाचणी सुरु करणारे देशातील पहिले राज्य बनेल.

Drone delivery
COVID-19: या 10 देशांमधून भारतात येणाऱ्यांसाठी आरोग्य मंत्रालयाची नवी नियमावली

डिलिव्हरी संदर्भात केंद्राने नुकताच पुढाकार घेतला

केंद्राने अलीकडेच ड्रोनद्वारे कोरोना लस वितरणासाठी पुढाकार घेतला. जूनमध्ये, एचएलएल इन्फ्रा टेक सर्व्हिसेस लिमिटेडने इंडियन कौन्सिल ऑफ मेडिकल रिसर्च (आयसीएमआर) च्या वतीने इच्छुक व्यक्तींना मानवरहित एरियल व्हेईकल्स (यूएव्ही) द्वारे वैद्यकीय संबंधित वस्तू (यूएव्ही) च्या वितरणासाठी भारतातील निवडक ठिकाणी आमंत्रित केले. कंपनीने सांगितले की, ICMR UAV ऑपरेटर्सला BVLOS पूर्व-निर्धारित मार्गावर चालवण्यासाठी आणि कोविड -19 लस वितरीत करण्यासाठी जोडेल.

Drone delivery
Goa Covid-19: पुन्हा कोरोनाचा शिरकाव; या भागात लागला मायक्रो कंटेनमेंट झोन

ICMR ला अभ्यासासाठी सूट देण्यात आली होती

या वर्षाच्या सुरुवातीला, नागरी उड्डयन मंत्रालय (MoCA) आणि नागरी उड्डयन महासंचालनालय (DGCA) ने ICMR ला ड्रोन वापरुन कोविड -19 लस वितरणाच्या शक्यतांचा अभ्यास करण्यासाठी सशर्त सूट दिली. आयसीएमआरने या प्रकल्पासाठी आयआयटी-कानपूरची भागीदार म्हणून निवड केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com