Viral Video Of Cheetahs: भारतात चित्त्यांचा अंत कसा झाला, 1939 सालचा व्हिडिओ होतोय व्हायरल

Birthday Of PM Modi: सोशल मीडियावर दोन गोष्टींची जोरदार चर्चा होत आहे. पहिली गोष्ट म्हणजे, पंतप्रधान नरेंद्र मोदी यांचा वाढदिवस आणि दुसरी, चित्ता त्यांच्या वाढदिवसादिवशी भारतात आला. पंतप्रधान नरेंद्र मोदी यांच्या वाढदिवसानिमित्त (17 September) भारतात चित्ता प्रकल्पाचे उद्घाटन करण्यात आले आहे. अशा परिस्थितीत या चित्त्यांशी संबंधित एक व्हिडिओ चांगलाच व्हायरल होत आहे.

व्हायरल व्हिडिओ

हा व्हिडिओ भारतीय वन सेवा (IFS) अधिकारी परवीन कासवान यांनी त्यांच्या ट्विटर हँडलवरुन शेअर केला आहे. त्यांनी व्हिडिओसोबत कॅप्शनमध्ये लिहिले आहे की, 'चित्ता (Cheetahs) भारतात (India) परत येत आहे.' सर्वप्रथम तुम्ही हा 1939 चा व्हिडीओ (Viral video) जरुर पाहा...

कासवान यांनी पुढे सांगितले की, 'कोरियाचे महाराजा रामानुज प्रताप सिंग देव यांनी 1947 मध्ये शेवटच्या तीन चित्त्यांची शिकार केली होती. विशेष म्हणजे, या चित्त्यांची रात्री शिकार करण्यात आली होती. या व्हिडिओशिवाय सोशल मीडियावर (Social Media) चित्त्यांचे काही फोटोही आहेत. हे दुर्मिळ फोटो पाहून लोक स्वतःला भाग्यवान समजत आहेत. तुम्ही पण पाहा असाच एक फोटो...'

दुसरीकडे, कासवान यांनी शेअर केलेले फोटोही सोशल मीडियावर चांगलेच धुमाकूळ घालत आहेत. या फोटोंमध्ये कासवान यांनी चित्तांशी संबंधित महत्त्वाची माहिती शेअर केली आहे. 1921-22 मध्ये प्रिन्स ऑफ वेल्सच्या भारत भेटीदरम्यान चित्त्यांची शिकार झाल्याचे फोटोंद्वारे सांगण्यात आले आहे. 1952 मध्ये भारतातून चित्ता नामशेष झाल्याचे घोषित करण्यात आले होते.