Gaurav Pandhi On Atal Bihar Vajpayee: भारताचे माजी पंतप्रधान अटलबिहारी वाजपेयी यांचा जन्म 1924 साली आजच्या दिवशी झाला होता. तमाम राजकारण्यांनी 'सदैव अटल' (दिल्ली) येथे जाऊन त्यांना आदरांजली वाहिली. काँग्रेसचे माजी अध्यक्ष राहुल गांधीही सोमवारी (26 डिसेंबर) अटलबिहारी वाजपेयी यांच्या समाधीचे दर्शन घेणार आहेत. दरम्यान, काँग्रेसच्या एका ज्येष्ठ नेत्याने वाजपेयी यांच्याबद्दल वादग्रस्त वक्तव्य केले आहे.
दरम्यान, काँग्रेसचे अध्यक्ष मल्लिकार्जुन खर्गे यांचे समन्वयक आणि काँग्रेस नेते गौरव पांधी यांनी अटलबिहारी वाजपेयी यांना त्यांच्या जयंतीच्या दिवशीच 'ब्रिटीश गुप्तहेर' म्हटले. गौरव पांधी यांनी ट्विटरवर लिहिले की, "1942 मध्ये, इतर सर्व RSS सदस्यांप्रमाणे, अटल बिहारी वाजपेयी यांनी भारत छोडो आंदोलनावर बहिष्कार टाकला आणि चळवळीत सहभागी झालेल्यांविरुद्ध ब्रिटिश गुप्तहेर म्हणून काम केले."
'वाजपेयींनी जमावाला भडकवले'
गौरव पांधी इथेच थांबले नाहीत, त्यांनी ट्विटरवर पुढे लिहिले की, "नेल्ली हत्याकांड असो किंवा बाबरी विध्वंस असो, वाजपेयींनी जमावाला भडकवण्यात महत्त्वाची भूमिका बजावली होती...''
काय म्हणाले सोशल मीडिया यूजर्स?
गौरव पांधी यांच्या या ट्विटवर सोशल मीडिया यूजर्स कमेंट करत आहेत. युजर @श्यांतसाओ यांनी लिहिले की, "निःसंशय... पण प्रश्न असा आहे की, 2014 पूर्वी ही वस्तुस्थिती कुठे होती? जर त्यांनी नेल्लीसारखे जघन्य पाप केले असेल तर काँग्रेसने (Congress) त्यांना विरोध का केला नाही? कारवाई का झाली नाही? काँग्रेसचे वरिष्ठ नेते कुठे होते? गांधींसह इतर नेते अजूनही त्यांचा आदर करतात का?
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
