Bharat Biotech: भारत बायोटेकच्या नेझल वॅक्सिनला आपत्कालीन वापरासाठी DCGI कडून मंजूरी मिळाली आहे. केंद्रीय आरोग्यमंत्री डॉ.मनसुख मांडविया यांनी ही माहिती दिली. ही भारतातील पहिली नेझल वॅक्सिन असेल. त्यामुळे भारतातील कोरोनाविरुद्धच्या युद्धाला नवे बळ मिळेल, असा विश्वास त्यांनी व्यक्त केला आहे. भारताने आतापर्यंत 100 कोटी कोविड लसीकरण करुन विक्रम केला आहे.
दरम्यान, केंद्रीय आरोग्य मंत्री मनसुख मांडविय यांनी एका ट्विटमध्ये म्हटले की, 'कोरोनाविरुध्दच्या लढाईत भारताने मोठी झेप घेतली आहे. भारत बायोटेक (Bharat Biotech) यांच्या नाकावाटे दिल्या जाणाऱ्या कोरोना लसीला DCGI ची मान्यता मिळाली आहे. त्यांनी पुढे म्हटले की, 'यानंतर ही वॅक्सिन आणीबाणीच्या परिस्थितीत भारतात 18 वर्षांपेक्षा जास्त वयोगटातील लोकांना दिली जाऊ शकते.'
महामारीविरुद्धचा लढा अधिक तीव्र होईल
आरोग्यमंत्र्यांनी दुसर्‍या ट्विटमध्ये म्हटले की, 'नेझल वॅक्सिन आल्यानंतर भारत कोरोना (Corona) महामारीचा अधिक चांगल्या प्रकारे सामना करु शकेल.' डॉ. मांडविया पुढे म्हणाले की, 'पंतप्रधान मोदींच्या नेतृत्वाखाली भारताने (India) कोरोनाविरुध्दच्या लढ्यात विज्ञान, संशोधन आणि त्यातील संसाधनांचा चांगला वापर केला. या वैज्ञानिक दृष्टिकोनाने आणि सर्वांच्या प्रयत्नाने भारत कोरोनाला पूर्णपणे पराभूत करु शकेल.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
