Female Commando: केंद्रीय राखीव पोलीस दलाच्या (CRPF) महिला जवानांना जम्मू-काश्मीरमध्ये दहशतवादविरोधी कारवायांमध्ये पाठवण्याची तयारीही सुरु आहे. निमलष्करी दलाच्या एका वरिष्ठ अधिकाऱ्याने सांगितले की, चकमकीच्या ठिकाणी तैनात करण्यासाठी महिला कर्मचाऱ्यांना प्रशिक्षण देण्याचा विचार केला जात आहे. असे झाल्यास, जम्मू-काश्मीरमधील दहशतवादाच्या इतिहासात ही पहिलीच वेळ असेल, जिथून दहशतवादी आणि लष्कराच्या जवानांमध्ये चकमकीच्या बातम्या येत असतात.
सीआरपीएफचे महानिरीक्षक (श्रीनगर सेक्टर) चारु सिन्हा यांनी सांगितले की, या योजनेवर सध्या चर्चा सुरु आहे. ते पुढे म्हणाले की, 'सुरक्षा दलात पुरुषांचे वर्चस्व आहे. नाकाबंदी आणि शोध मोहिमेदरम्यान महिलांना (Women) अस्वस्थ वाटत असल्याचे आपण पाहिले आहे. पूर्वी असा विचार केला जात नसे पण आता परिस्थिती बदलत आहे. त्यामुळे एक प्रयोग म्हणून महिला जवानांचा सहभाग वाढविण्याचा विचार सुरु आहे.'
सुरक्षा अधिकाऱ्याने पुढे सांगितले की, 'जेव्हा आम्ही दहशतवादविरोधी (Terrorism) कारवाईदरम्यान घरांमध्ये जातो तेव्हा, तिथे काश्मिरी महिला असतात... आम्हाला असे वाटते की, अशा परिस्थितीत पुरुष सुरक्षा कर्मचारी पाठवू शकत नाहीत. आम्हाला त्यांच्या संवेदनांना धक्का पोहोचवायचा नाही. त्यामुळे महिला जवानांचे जाणे हा या परिस्थिती हाताळण्याचा योग्य मार्ग असेल असे आम्हाला वाटले.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
