Bihar Crime: बिहारमध्ये दोन न्यायाधीशांवर हल्ला, शिवीगाळ करत गळा दाबण्याचा केला प्रयत्न

Bihar Crime: सासाराम दिवाणी न्यायालयाच्या दोन न्यायाधीशांवर मंगळवारी रात्री काही लोकांनी हल्ला केला. शिवीगाळ करुन मारहाण केली.
court
courtDainik Gomantak

Bihar Crime: सासाराम दिवाणी न्यायालयाच्या दोन न्यायाधीशांवर मंगळवारी रात्री काही लोकांनी हल्ला केला. शिवीगाळ करुन मारहाण केली.

दरम्यान, घटनास्थळी उपस्थित लोकांनी त्यांना वाचवले. दुसरीकडे, माहिती मिळताच शहर पोलिसांनी आरोपींना अटक केली, मात्र त्यांच्यासोबत असलेल्या अन्य गुन्हेगारी प्रवृत्तीच्या लोकांनी पोलिसांवर लाठीहल्ला करुन त्यांची सुटका केली.

दरम्यान, माहिती मिळताच पोलीसही मोठ्या संख्येने घटनास्थळी पोहोचले आणि त्यांनी तात्काळ कारवाई करत बेडा येथील पेट्रोल पंपाचे मालक रमाकांत सिंग आणि सारी संसार कापड दुकानाचा मालक शंतनू या दोन आरोपींना (Accused) अटक केली.

court
Bihar: लालू प्रसाद यांच्या पार्टीतील बड्या नेत्याचे अपहरण, बदमाशांनी घराबाहेर बोलावले...

त्यानंतर, बुधवारी दोन्ही आरोपींना न्यायालयात हजर केले असता त्यांची कारागृहात रवानगी करण्यात आली. अतिरिक्त मुख्य न्यायदंडाधिकारी कम उप न्यायाधीश -5 रामचंद्र प्रसाद यांनी मुफसिल पोलिस (Police) ठाण्यात या प्रकरणी एफआयआर नोंदवला आहे.

तसेच, मंगळवारी रात्री 7.30 वाजता अतिरिक्त मुख्य न्यायदंडाधिकारी कम सब न्यायाधीश-5 रामचंद्र प्रसाद आणि अतिरिक्त मुख्य न्यायदंडाधिकारी कम सब न्यायाधीश-4 देवेश कुमार कारमध्ये पेट्रोल भरण्यासाठी पंपावर पोहोचले होते.

वाटेत बेडा कालवा ओलांडल्यावर काही सामान घेण्यासाठी गाडी रस्त्याच्या डाव्या बाजूला उभी केली. यादरम्यान दुचाकीवरुन येणाऱ्या रमाकांत आणि शंतनूने न्यायाधीशांच्या कारला धडक दिली. यामुळे कारचे नुकसान झाले.

court
Bihar Viral News: चक्क नवऱ्यांची केली अदलाबदल; बिहारमधील अजब प्रेम कहाणीमुळे संपूर्ण देशाला धक्का

यापूर्वीही न्यायिक अधिकाऱ्याशी भांडण झाले होते

एफआयआरनुसार, आरोपींनी यापूर्वीही येथील न्यायदंडाधिकारी यांना मारहाण केली होती. मारहाणीदरम्यान, आरोपीने सांगितले की, आम्ही यापूर्वीही न्यायाधीशांना मारहाण केली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com