सर्वपक्षीय बैठकीपूर्वी मेहबुबा मुफ्तींच्या विरोधात डोगरा फ्रंटची निदर्शने

जम्मू-काश्मीर: सर्वपक्षीय बैठक होण्यापूर्वी डोगरा फ्रंट जम्मूमध्ये मेहबुबा मुफ्तीविरोधात आंदोलन करत आहे. आंदोलक लोकांनी पीडीपी प्रमुखविरोधात घोषणाबाजी केली. सर्वपक्षीय बैठकीसंदर्भात गुफकर आघाडीच्या नेत्यांशी झालेल्या बैठकीनंतर मेहबुबा मुफ्ती यांनी जम्मू-काश्मीरच्या मुद्यावर पाकिस्तानशी बोलण्याचा प्रयत्न केला होता. या निवेदनानंतर राज्यात त्याच्याविरोधात निदर्शने सुरू झाले आहे.

जम्मू-काश्मीर तसेच पाकिस्तानच्या नेत्यांशी झालेल्या चर्चेच्या पीडीपी अध्यक्षा मेहबूबा मुफ्ती यांच्या विधानाचा डोगरा फ्रंट निषेध करत आहे. ओमर अब्दुल्ला, पाकिस्तानविरूद्ध, मेहबुबा यांच्या नावाची घोषणाबाजी केली जात आहे. मेहबूबा मुफ्ती पाकिस्तानची भाषा बोलतात. त्यांच्यावर कारवाई झाली पाहिजे, असे डोगरा आघाडीचे कामगार म्हणाले.

"गलवान संघर्षानंतर चीनी सैन्याला समजले की, आपल्याला जास्त प्रशिक्षणाची गरज...

जम्मू-काश्मीरच्या मुद्यावर पाकिस्तानशी चर्चा करणे शक्य नाही. पाकिस्तानच्या आत दहशतवादी प्रशिक्षण शिबिरे आहेत. त्यामुळे पाकिस्तानशी चर्चा सुरू करण्याची मेहबूबा मुफ्ती यांची मागणी कधीच पूर्ण होऊ शकत नाही, असे भाजपा प्रदेश अध्यक्ष रवींद्र रैना म्हणाले. गुपकर आघाडीचे अध्यक्ष डॉ. फारूक अब्दुल्ला यांनीही सांगितले आहे की, कलम  370 आणि राज्य दर्जा कायम ठेवण्याची मागणी या बैठकीत पंतप्रधानांसोबत केली जाईल. अशा परिस्थितीत पंतप्रधानांशी झालेल्या बैठकीनंतर जम्मूकाश्मीरच्या मुद्द्यावर चर्चा होण्याची शक्यता आहे.

इंधन दरवाढीला काँग्रेसच जबाबदार - पेट्रोलियम मंत्र्यांचा अजब दावा

पंतप्रधान जम्मू-काश्मीरच्या नेत्यांसमवेत बैठक घेणार 
आज दिल्लीत पंतप्रधान नरेंद्र मोदीं यांची जम्मू-काश्मीरच्या नेत्यांची बैठक होणार आहे. पंतप्रधान नरेंद्र मोदी यांनी पुकारलेल्या 8 राजकीय पक्षांच्या 14 नेत्यांच्या सर्वपक्षीय बैठकीत परिसीमाच्या मुद्दय़ावर चर्चा होऊ शकते. पंतप्रधानांव्यतिरिक्त गृहमंत्री अमित शहा, जम्मू-काश्मीरचे एलजी मनोज सिन्हा, पंतप्रधानांचे प्रधान सचिव पीके मिश्रा, गृहसचिव अजय भल्ला आणि अन्य काही वरिष्ठ अधिकारी या बैठकीला उपस्थित राहण्याची शक्यता आहे.