Earthquake: अमृतसरसह पंजाबच्या काही भागात भूकंपाचा जोरदार धक्का, रिश्टर स्केलवर 4.1 तीव्रता

नॅशनल सेंटर फॉर सिस्मॉलॉजी (NCS) नुसार, भूकंपाचा केंद्रबिंदू पंजाब, पाकिस्तानमध्ये होता. भूकंपाची खोली 120 किमी असल्याचे सांगण्यात आले.
Gujarat Earthquake
Gujarat Earthquake Dainik Gomantak

अमृतसरसह पंजाबच्या (Panjab) काही भागात आज सकाळी 3:42 वाजता भूकंपाचे सौम्य धक्के जाणवले. त्याची तीव्रता रिश्टर स्केलवर 4.1 इतकी मोजली गेली. नॅशनल सेंटर फॉर सिस्मॉलॉजी (NCS) नुसार, भूकंपाचा केंद्रबिंदू पंजाब, पाकिस्तानमध्ये होता. भूकंपाची खोली 120 किमी असल्याचे सांगण्यात आले आहे.

यापूर्वी शनिवारी नेपाळमध्ये 5.4 रिश्टर स्केल तीव्रतेच्या भूकंपाचे धक्के दिल्ली आणि राष्ट्रीय राजधानी क्षेत्र (NCR) ते उत्तराखंडपर्यंत जाणवले . हा भूकंप उत्तराखंडमधील पिथौरागढच्या पूर्व-दक्षिणपूर्व 101 किमी अंतरावर झाला. अशी माहिती अधिकाऱ्यांनी दिली आहे.

याआधी, शनिवारी सायंकाळी ४.१५ वाजता उत्तराखंडमध्ये ३.४ रिश्टर स्केलचा भूकंप झाला, ज्याचा केंद्रबिंदू पौरी गढवाल प्रदेशात होता. नॅशनल सेंटर फॉर सिस्मॉलॉजीच्या आकडेवारीनुसार, 8 ते 12 नोव्हेंबर दरम्यान उत्तराखंड-नेपाळ सीमेला लागून असलेल्या हिमालयीन प्रदेशात वेगवेगळ्या तीव्रतेचे किमान आठ भूकंप झाले आहेत. पिथौरागढचे आपत्ती व्यवस्थापन अधिकारी बीएस महार यांनी 'पीटीआय' या वृत्तसंस्थेला सांगितले की, भूकंपाचा केंद्रबिंदू नेपाळच्या सिलांग शहरापासून तीन किलोमीटर अंतरावर होता, मात्र त्याचे धक्के भारत, चीन आणि नेपाळमध्ये जाणवले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com