जम्मू-काश्मीर: कुलगाममध्ये चकमक, सुरक्षा जवानांनी दहशतवाद्यांना घेरले

या ऑपरेशनमध्ये जैश-ए-मोहम्मदचे 2 ते 3 दहशतवादी अडकल्याची भीती व्यक्त केली जात आहे.
Encounter underway between security forces and terrorists in the Cheyan Devsar area of Kulgam
Encounter underway between security forces and terrorists in the Cheyan Devsar area of KulgamANI

श्रीनगर: जम्मू-काश्मीरमधील कुलगाममध्ये सध्या चकमक सुरू आहे. पोलीस आणि लष्कराने दहशतवाद्यांना घेरले आहे. हा कुलगामचा देवसर परिसर आहे. मीडिया रिपोर्ट्सनुसार, या ऑपरेशनमध्ये जैश-ए-मोहम्मदचे 2 ते 3 दहशतवादी अडकल्याची भीती व्यक्त केली जात आहे. सध्या या चकमकीबाबत लष्कराकडून फारशी माहिती देण्यात आलेली नाही. मात्र, रात्री उशिरापासून गोळीबार सुरू असल्याचे बोलले जात आहे. गेल्या आठवड्यातच सुरक्षा दलांनी कुलगाम जिल्ह्यातून दोन 'हायब्रीड' दहशतवाद्यांना अटक केली होती. यातील एक दहशतवादी लष्कर-ए-तैयबाचा होता. (Kulgam Jammu Kashmir Attack)

जम्मू-काश्मीरच्या श्रीनगरमध्ये शनिवारी दहशतवाद्यांनी एका पोलिसाची गोळ्या झाडून हत्या केली. जखमी कॉन्स्टेबलला रुग्णालयात दाखल करण्यात आले होते. मात्र नंतर त्याचा मृत्यू झाला. शहरातील सफाकदल भागातील आयवा पुलाजवळ ही घटना घडली. सकाळी 8.40 च्या सुमारास जम्मू-काश्मीर पोलिसांचे कॉन्स्टेबल गुलाम हसन यांच्यावर दहशतवाद्यांनी गोळीबार केला.

Encounter underway between security forces and terrorists in the Cheyan Devsar area of Kulgam
BSF Group B Recruitment : BSF गट बी पदांसाठी भरती

3 हिजबुल दहशतवादी ठार

खोऱ्यात दहशतवाद्यांविरोधात सुरक्षा कर्मचार्‍यांचे ऑपरेशन सुरू आहे, जम्मू आणि काश्मीरच्या अनंतनाग जिल्ह्यात शुक्रवारी सुरक्षा दलांशी झालेल्या चकमकीत हिजबुल मुजाहिद्दीनचे 3 दहशतवादी ठार झाले. जिल्ह्यातील पहलगाम भागातील श्रीचंद वनक्षेत्रात दहशतवादी असल्याची गुप्तचर माहिती मिळाली होती. त्यानंतर सुरक्षा दलांनी तिथं घेराबंदी आणि शोध मोहीम सुरू केली. तेथे आधीच उपस्थित असलेल्या दहशतवाद्यांनी गोळीबार सुरू केला. सुरक्षा दलांनी त्यांना प्रत्युत्तर दिले, त्यानंतर शोध मोहिमेचे चकमकीत रूपांतर झाले.

200 दहशतवाद्यांची घुसखोरी करण्याच्या प्रयत्नात

उत्तर लष्कराचे कमांडर लेफ्टनंट जनरल उपेंद्र द्विवेदी यांनी अलीकडेच सांगितले होते की खोऱ्यातील घुसखोरीमध्ये मोठी घट झाली आहे. मात्र असे असतानाही 200 दहशतवादी सीमेपलीकडून जम्मू-काश्मीरमध्ये घुसण्याचा प्रयत्न करत आहेत. फेब्रुवारी २०२१ च्या करारापासून भारत-पाकिस्तान सीमेवरील युद्धविराम चांगले काम करत असल्याचेही त्यांनी सांगितले.

Encounter underway between security forces and terrorists in the Cheyan Devsar area of Kulgam
श्रीनगरच्या आयवा ब्रिजवर दहशतवाद्यांनी केला गोळीबार, पोलीस कर्मचारी गंभीर जखमी

21 परदेशी दहशतवादी ठार

लेफ्टनंट जनरल उपेंद्र द्विवेदी यांच्या म्हणण्यानुसार, सध्या खोऱ्याच्या अंतर्गत भागात 40 ते 50 स्थानिक दहशतवादी आणि विदेशी दहशतवादी देखील सक्रिय आहेत. त्यांच्या म्हणण्यानुसार, सुरक्षा जवानांनी आतापर्यंत 21 विदेशी दहशतवाद्यांना ठार केले आहे. दहशतवाद्यांना मिळणारा आश्रय आणि पाठिंबा दिवसेंदिवस कमी होत असल्याचे बोलले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com