Money Laundering: दिल्ली सरकारमधील मंत्री सत्येंद्र जैन यांच्या अडचणी कमी होण्याचं नाव घेत नाहीये. मागील दोन-तीन महिन्यांपासून ईडी त्यांची चौकशी करत आहे. यातच आता ईडीने कथित मनी लाँड्रिंग प्रकरणात जैन यांची पत्नी पूनम जैन यांची चौकशी सुरु केली आहे. या प्रकरणाच्या तपासासंदर्भात ईडीने गेल्या आठवड्यात सत्येंद्र जैन यांची पत्नी पूनम जैन यांना समन्स बजावले होते.
वास्तविक, ईडीने मंत्री सत्येंद्र जैन (Satyendar Jain) यांना 30 मे रोजी कोलकाता येथील एका कंपनीच्या कथित मनी लाँड्रिंग (Money Laundering) प्रकरणी अटक केली होती. याच प्रकरणी ईडीने सत्येंद्र यांची पत्नी पूनम जैन यांना 14 जुलै रोजी चौकशीसाठी हजर राहण्यासाठी समन्स बजावले होते. मात्र, पूनम जैन यांनी प्रकृती अस्वास्थ्याचे कारण सांगून चौकशी पुढे ढकलण्यात यावी अशी मागणी केली होती.
उत्पन्नाच्या दुप्पट मालमत्ता असल्याचा आरोप
आता सोमवारी या प्रकरणी ईडीने पूनम यांची चौकशी सुरु केली आहे. महत्त्वाचे म्हणजे, ईडीचा तपास केंद्रीय अन्वेषण ब्यूरो (CBI) च्या 2017 च्या एका प्रकरणावर आधारित आहे, ज्यामध्ये 'आप' नेते आणि त्यांची पत्नी पूनम जैन यांनी फेब्रुवारी 2015 ते मे 2017 दरम्यान ₹ 1.47 कोटी कमावल्याचा आरोप करण्यात आला होता. हे त्यांच्या ज्ञात उत्पन्नाच्या स्त्रोतांच्या दुप्पट होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
