Tamil Nadu Politics: निवडणुकीपूर्वी तामिळनाडूत एनडीएला सुरुंग, पोस्टरवरुन PM मोदी गायब

Tamil Nadu: इरोड पूर्व विधानसभा जागेवर होणाऱ्या पोटनिवडणुकीपूर्वी ईपीएसने आपला मित्रपक्ष भाजपपासून दुरावल्याचे सांगितले जात आहे.
BJP
BJPDainik Gomantak

Tamil Nadu Politics: तामिळनाडूमध्ये 27 फेब्रुवारी रोजी होणाऱ्या विधानसभा पोटनिवडणुकीच्या अगोदर भारतीय जनता पक्ष आणि AIADMK च्या E. पलानीस्वामी (EPS) कॅम्पमधील संघर्ष चव्हाट्यावर आला आहे.

इरोड पूर्व विधानसभा जागेवर होणाऱ्या पोटनिवडणुकीपूर्वी ईपीएसने आपला मित्रपक्ष भाजपपासून दुरावल्याचे सांगितले जात आहे. पक्ष कार्यालयात लावण्यात आलेल्या निवडणुकीच्या पोस्टरमधून भाजप आणि भाजप नेत्यांचे चेहरे गायब होते. पोस्टरमध्ये पीएम मोदींचेही नाव नाही.

दरम्यान, युतीचे नाव देखील भाजपच्या (BJP) नेतृत्वाखालील राष्ट्रीय लोकशाही आघाडी (NDA) वरुन बदलून 'राष्ट्रीय लोकशाही पुरोगामी आघाडी' असे करण्यात आले आहे. या बदलावर मौन बाळगल्यानंतर भारतीय जनता पक्षाचे प्रदेशाध्यक्ष अण्णामलाई यांनी याला नक्कीच उत्तर दिले जाईल, असे सांगितले आहे.

BJP
Tamil Nadu: आंबेडकरांच्या पोस्टरवरुन तामिळनाडूत गदारोळ, 'भगवे कपडे अन् कपाळावर टिळा...'

'भाजपला त्यांची स्थिती कळायला हवी'

एआयएडीएमकेच्या एका नेत्याने नाव न सांगण्याच्या अटीवर माध्यमाशी बोलताना सांगितले की, 'ईपीएसने भाजपला स्पष्ट संदेश दिला आहे. त्यांनी तामिळनाडूतील (Tamil Nadu) स्थिती जाणून घेतली पाहिजे.

राज्याच्या राजकारणात ईपीएस आणि भाजप यांच्यातील ही राजकीय भांडणे जयललिता यांच्या निधनानंतर सुरु झाली, जेव्हा 234 जागांच्या विधानसभेत 4 जागा जिंकणाऱ्या भाजपने स्वतःला मुख्य विरोधी पक्ष म्हणून दाखवायला सुरुवात केली.'

पोटनिवडणुकीत ईपीएस आणि भाजपमध्ये टक्कर का दिसते?

अण्णाद्रमुकमध्ये दोन गट आहेत. एकाचे नाव ओ पनीरसेल्वम (ओपीएस) आणि दुसऱ्याचे नाव ई. पलानीस्वामी (ईपीएस) आहे. येथे भाजपची ईपीएसशी युती आहे.

मात्र, इरोड पूर्व विधानसभेच्या जागेवर होणाऱ्या निवडणुकीत ओपीएसने आपल्या उमेदवाराचे नाव जाहीर केले आणि सांगितले की, या निवडणुकीत भाजपने पाठिंबा देण्यास सांगितले आहे, जर भाजपने स्वतःचा उमेदवार उभा केला तर आम्ही आमचा उमेदवारी मागे घेऊ.

BJP
Tamil Nadu Against Hindi: तामिळनाडू विधानसभेत हिंदी भाषेविरोधात प्रस्ताव मंजूर

तसेच, ओपीएसच्या या विधानामुळे ईपीएस आणि भाजप यांच्यातील दीर्घकाळ चाललेल्या वादाला खतपाणी मिळाले.

यानंतर भाजप आणि पीएम मोदी दोघेही ईपीएस पोस्टरवरुन गायब झाले आणि ईपीएसने युतीचे नावही बदलले. मात्र, यावर भाजपने ईपीएसला सडेतोड उत्तर दिले जाईल, असे म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com