Farooq Abdullah: 'जीना यहाँ, मरना यहाँ...', संसदेच्या आवारात अब्दुल्लांनी गुणगुणले गाणे

Farooq Abdullah: लोकसभेचे खासदार फारुख अब्दुल्ला यांनी शुक्रवारी संसदेच्या आवारात 'मेरा नाम जोकर' चित्रपटातील एक प्रसिद्ध गाणे गुणगुणले.
Farooq Abdullah
Farooq AbdullahDainik Gomantak

Farooq Abdullah Singing Song: आपल्या बेताल वक्तव्यांमुळे चर्चेत राहणारे लोकसभेचे खासदार फारुख अब्दुल्ला यांनी शुक्रवारी संसदेच्या आवारात 'मेरा नाम जोकर' चित्रपटातील एक प्रसिद्ध गाणे गुणगुणले. संसदेबाहेर पत्रकारांशी संवाद साधताना त्यांनी 'जीना यहाँ मरना यहाँ... और कहाँ जाते हो...' हे गाणे गायले. मात्र हे गाणे गाताना ते भावूकही झाले.

दरम्यान, पत्रकारांशी बोलताना माजी मुख्यमंत्री फारुख अब्दुल्ला (Farooq Abdullah) यांनीही आरजेडी नेते एबी सिद्दीकी यांच्या वक्तव्यावर प्रतिक्रिया दिली. अब्दुल्ला म्हणाले की, "भारतात द्वेषाचे राजकारण वाढले आहे, परंतु देश सोडणे हा पर्याय नाही. आपण एकजूट राहून द्वेषाच्या राजकारणाचा नायनाट केला पाहिजे."

Farooq Abdullah
Farooq Abdullah: 'भगवान राम हे केवळ...,' अब्दुल्लांनी कुराणचाही केला उल्लेख

काय म्हणाले एबी सिद्दीकी?

खरे तर, राष्ट्रीय जनता दलाचे ज्येष्ठ नेते एबी सिद्दीकी यांनी नुकतेच परदेशात राहणाऱ्या आपल्या मुलाला आणि मुलीला सांगितले की, 'भारत आता राहण्यासाठी देश राहिलेला नाही.' एका उर्दू वृत्तपत्राच्या कार्यक्रमात त्यांनी हे वक्तव्य केले. एबी सिद्दीकी पुढे म्हणाले की, मुलांनी परदेशात राहावे आणि शक्य असल्यास त्यांनी त्या देशाचे नागरिकत्व घ्यावे.' एबी सिद्दीकी यांच्या या वक्तव्यानंतर त्यांच्यावर टीका होत आहे.

फारुख अब्दुल्ला पठाण वादावर बोलले

लोकसभेचे खासदार फारुख अब्दुल्ला पुढे म्हणाले की, "शाहरुख खानच्या (Shah Rukh Khan) नवीन चित्रपटात (पठाण) भगव्या रंगाचे कपडे घालण्यावरुन वाद निर्माण झाला. याचा अर्थ भगवा हिंदूंचा आणि हिरवा मुस्लिमांचा आहे का? हे काय आहे? गाय हिंदूंची आणि बैल मुस्लिमांचे?"

Farooq Abdullah
Farooq Abdullah: भारतीय सेनेविरुध्द फारुख अब्दुल्लांनी ओकली गरळ, म्हणाले...

फारुख अब्दुल्ला यांचे चीनला आव्हान

दुसरीकडे, फारुख अब्दुल्ला यांनीही चीनच्या मुद्द्यावर प्रतिक्रिया दिली आहे. चीनला आव्हान देताना ते म्हणाले की, 'हा आता 1962 चा भारत राहिला नाही, चीनला त्याच्याच भाषेत उत्तर दिले जाईल.' यापूर्वी फारुख अब्दुल्ला यांनी तवांगमधील भारतीय आणि चिनी सैनिकांमध्ये झालेल्या चकमकीवर म्हटले होते की, 'चीनशी चर्चा झाली पाहिजे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com