UP Crime : 17 वर्षीय मुलीच्या हत्येसाठी वडिलांनीच दिली सुपारी, जाणून घ्या काय आहे प्रकरण

पोलिसांनी सांगितले की, आरोपीला आपल्या मुलीच्या प्रेम-प्रसंगाबद्दल राग होता. या व्यक्तीने आपल्या मुलीला मारण्यासाठी रुग्णालयातील वॉर्ड बॉयला सुपारी दिल्याचा आरोप आहे.
Uttar Pradesh Crime News
Uttar Pradesh Crime NewsDainik Gomantak

उत्तर प्रदेशातील मेरठ जिल्ह्यातून एक धक्कादायक घटना समोर आली आहे. येथील 17 वर्षीय मुलीच्या हत्येसाठी तिच्या वडिलांनीच सुपारी दिली होती. पोलिसांनी सांगितले की, आरोपीला आपल्या मुलीच्या प्रेम-प्रसंगाबद्दल राग होता. या व्यक्तीने आपल्या मुलीला मारण्यासाठी रुग्णालयातील वॉर्ड बॉयला सुपारी दिल्याचा आरोप आहे. ज्याने अल्पवयीन मुलीला पोटॅशियम क्लोराईडचा डोस दिला.

(Uttar Pradesh Crime News)

Uttar Pradesh Crime News
Refrigerator : नवीन रेफ्रिजरेटर घेण्याचा विचार करताय? मग या गोष्टी ठेवा लक्षात

पोलिसांनी सांगितले की, मुलीची प्रकृती अचानक बिघडल्यानंतर रुग्णालयातील डॉक्टरांनी तिला पोटॅशियम क्लोराईडचे इंजेक्शन दिल्याचे आढळले. पोलिसांनी सांगितले की, मुलीचे वडील नवीन कुमार, वॉर्ड बॉय नरेश कुमार आणि एका महिला कर्मचाऱ्याला घटनेच्या संदर्भात रुग्णालयातून अटक करण्यात आली आहे.

सीसीटीव्ही फुटेजच्या मदतीने ओळख पटवली

नवीन कुमार यांनी शुक्रवारी रात्री त्यांच्या मुलीला कंकरखेडा येथील रुग्णालयात दाखल केले होते. काही तासांनंतर, त्याने तिला मोदीपुरममधील फ्यूचर प्लस रुग्णालयात हलवले, असे पोलीस अधिकाऱ्याने सांगितले. जिथे त्यांची प्रकृती अचानक बिघडली. सीसीटीव्ही फुटेजच्या मदतीने इंजेक्टरची ओळख वॉर्ड बॉय नरेश कुमार म्हणून झाली असून त्याला ताब्यात घेण्यात आले आहे.

हत्येसाठी एक लाख दिले होते

मुलीच्या वडिलांनी आपल्याला मारण्यासाठी एक लाख रुपये दिल्याची कबुली वॉर्ड बॉयने पोलिसांना दिली. पोलिसांनी सांगितले की, डॉक्टर असल्याचे भासवत त्याने रुग्णालयातील महिला कर्मचाऱ्याच्या मदतीने आयसीयूमध्ये प्रवेश केला आणि मुलीला इंजेक्शन दिले. महिला रुग्णालयातील कर्मचारी आणि पीडितेच्या वडिलांनाही नंतर ताब्यात घेण्यात आल्याचे त्यांनी सांगितले. आरोपी वडील प्रॉपर्टी डीलर आहेत.

मुलीच्या प्रेमप्रकरणाचा राग

नवीन कुमारने पोलिसांना सांगितले की, त्यांची मुलगी एका पुरुषासोबत रिलेशनशिपमध्ये होती. वारंवार सांगूनही ती त्याच्याशी संबंध तोडण्यास तयार नव्हती. आरोपीने पोलिसांना सांगितले की, त्याने रुग्णालयातील डॉक्टरांना सांगितले होते की, त्यांची मुलगी त्यांच्या घराच्या छतावरून चुकून पडली होती, परंतु तिने छतावरून उडी मारली होती. पोलिसांनी वॉर्ड बॉयकडून तुटलेली सिरिंज आणि 90 हजार रुपये रोख जप्त केले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com