'अखेर पुदुचेरीत राष्ट्रपती राजवट लागू'

गोमंतक वृत्तसेवा

बुधवार, 24 फेब्रुवारी 2021

पुदुचेरीतील राजकिय सत्तानाट्य अखेर राष्ट्रपती राजवटीने थांबलं.

पुदुचेरी: पुदुचेरीतील राजकिय सत्तानाट्य अखेर राष्ट्रपती राजवटीने थांबल. गेल्या काही दिवसांपासून पुदुचेरीत राजकिय चर्चांना उधान आलं होतं. पुदुचेरीमधील व्ही. नारायणस्वामी सरकारमधील काही आमदारांनी कॉंग्रेसचा निरोप घेतला होता. त्यामुळे कॉंग्रेस सरकारला सोमवारी विश्वासदर्शक ठरावाला सामोरं जाव लागलं. विश्वासदर्शक ठराव मांडण्यापूर्वी एक दिवसाचे अधिवेशन बोलावण्यात आले होते. मात्र अल्पमतात आलेले व्ही. नारायणस्वामी सरकार बहुमत सिध्द करण्य़ाआगोदरच कोसळलं.

कॉंग्रेस आणि द्रमुक पक्षाच्या प्रत्येकी एका आमदाराच्या राजीनाम्य़ामुळे 33 सदस्य संख्या असणाऱ्या पुदुचेरी विधानसभेत सत्तारुढ नारायणस्वामी सरकारचे संख्याबळ 11 पर्यंत घसरले. तर दुसरीकडे विरोधी आघाडीचे संख्याबळ 14 तर सात जागा रिक्त आहेत. यामुळे व्ही. नारायणस्वामी सरकारला बहुमत सिध्द करण्याची वेळ आली होती. मात्र विश्वासदर्शक ठरावात सत्तारुढ पक्षाला बहुमत सिध्द न करता आल्यामुळे अखेर सरकारला पाय़उतार व्हावं लागलं.

जगातील सर्वात मोठ्या स्टेडियमला पंतप्रधान नरेंद्र मोदींचे नाव

कॉग्रेस सरकारला 11 विरुध्द 11 अशा मतांनी पराभवाला सामोरं जावं लागलं. विश्वासदर्शक ठराव मांडण्यापूर्वी एक दिवसाचे अधिवेशन बोलवण्यात आले होते. अधिवेशनाला सुरुवात होताच व्ही. नारायणस्वामी सरकारने विश्वासदर्शक ठराव मांडला मात्र काही वेळातच सत्ताधारी आमदारांनी सभात्याग केला. त्यानंतर कॉंग्रेस अध्यक्षांनी नारायणस्वामी सरकार अल्पमतात आल्याचे मान्य केले. आणि शेवटी व्ही. नारायणस्वामी यांनी आपल्य़ा मुख्यमंत्री पदाचा राजीनामा राज्यपालांकडे सुपुर्द केला.