Rajasthan: पोलिस घेतायेत गाढवांचा शोध, कारण ऐकून तुम्हीही व्हाल थक्क !

Rajasthan News: राज्यातील दुसऱ्या क्रमांकाचे मोठे शहर असलेल्या जोधपूरमध्ये एक अनोखी चोरीची घटना समोर आली आहे.
Donkey
DonkeyDainik Gomantak

Rajasthan: राज्यातील दुसऱ्या क्रमांकाचे मोठे शहर असलेल्या जोधपूरमधून एक अनोखी चोरीची घटना समोर आली आहे. रात्री उशिरा जोधपूरच्या ग्रामीण भागातून 16 गाढवे चोरीला गेली आहेत. चोरट्यांनी रात्री उशिरा गावातील एका वाड्यातून एकामागून एक 16 गाढवांची चोरी केली. दरम्यान, गाढवाच्या मालकाने 16 गाढवांच्या चोरीचा गुन्हा दाखल केला. त्यानंतर जोधपूर ग्रामीण पोलिसांनी 16 गाढवांचा शोध सुरु केला.

दरम्यान, काल रात्री जोधपूर जिल्ह्यातील जैतीवास गावातून 16 गाढवे चोरीला गेली. गावातील रहिवासी भंवरलाल देवासी यांच्या घराजवळील शेडमधून चोरट्यांनी एकामागून एक 16 गाढवांची चोरी केली. भंवरलाल घराजवळील शेडमध्ये पोहोचले असता सर्व गाढवे गायब झाल्याचे आढळून आले. त्यामुळे भंवरलाल यांनी ग्रामीण पोलिस (Police) ठाण्यात 16 गाढवांच्या चोरीचा गुन्हा दाखल केला.

Donkey
Rajasthan: भारतीय गुप्तचर यंत्रणेची मोठी कारवाई, स्वातंत्र्य दिनापूर्वी 2 पाकिस्तानी हेरांना अटक

दुसरीकडे, भंवरलाल यांनी गावातील रहिवासी गुलाबराम लक्ष्मण राम आणि पुनाराम भट यांच्या विरोधात गाढवांच्या चोरीच्या संशयावरुन एफआयआर दाखल केला. हेड कॉन्स्टेबल बिराराम यांनी सांगितले की, 'भंवरलाल देवासी यांच्या अहवालावरुन गुन्हा दाखल करण्यात आला आहे. त्यानंतर गाढवांची चोरी केल्याचा आरोप असलेल्या तिघांची चौकशी सुरु करण्यात आली.'

माती वाहून नेण्यासाठी गाढवांचा वापर केला जातो

वास्तविक, गाढवांचा उपयोग गावातील माती वाहून नेण्यासाठी केला जातो. गाढवांद्वारे माती वाहून नेण्याचा व्यवसाय भट समाजातील लोक करतात. यामुळेच भंवरलाल देवासी यांनी तीन लोकांविरुद्ध एफआयआर (FIR) नोंदवून 16 गाढवे चोरल्याचा आरोप केला. गाढवांचा व्यवसाय करुनच आपला उदरनिर्वाह चालत असल्याचं भंवरलाल देवासी यांनी सांगितलं.

Donkey
Rajasthan: विद्यार्थ्याने शिक्षकाच्या मडक्यातील पाणी प्यायल्याने बेदम मारहाण, उपचारादरम्यान मुलाचा मृत्यू

जोधपूरमध्ये गाढवांची संख्या कमी होत आहे

किंबहुना, जोधपूरसह विभागात गाढवांची संख्या सातत्याने कमी होत आहे, त्यामुळेच गाढवांची संख्या कमी झाल्याने त्यांच्या किमतीही सातत्याने वाढत आहेत. जोधपूर जिल्ह्याबद्दल बोलायचे झाल्यास, जिल्ह्यात एका गाढवाची किंमत 15000 ते 25000 वर पोहोचली आहे. वाढत्या किमतीमुळे या गाढवांची चोरी झाल्याचा पोलिसांचा समज आहे. सध्या पोलिसांनी गुन्हा दाखल करुन तीन आरोपींची (Accused) चौकशी सुरु केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com