Tripura Election 2023: त्रिपुरात भाजपचे 48 उमेदवार जाहीर; माजी मुख्यमंत्र्यांचे तिकीट कापले...

काँग्रेसच्या पहिल्या यादीत 17 उमेदवार; 16 फेब्रुवारी रोजी मतदान
Biplab Kumar Dev
Biplab Kumar Dev Dainik Gomantak

Tripura Election 2023: भाजपने त्रिपुरा विधानसभा निवडणुकीसाठी त्यांच्या उमेदवारांची पहिली यादी जाहीर केली आहे. पहिल्या यादीत 48 विधानसभा जागांसाठी उमेदवारांची नावे जाहीर केली आहेत.

या यादीमुळे माजी मुख्यमंत्री बिप्लब कुमार देब निवडणूक रिंगणातून बाहेर राहतील, या शक्यतेला बळकटी मिळाली आहे कारण त्यांचे नाव या यादीत नाही. देव यांच्या बनमालीपूर मतदारसंघातून भाजपचे प्रदेशाध्यक्ष राजीव भट्टाचार्य यांना उमेदवारी देण्यात आली आहे.

Biplab Kumar Dev
Sukhoi Mirage Crash: सुखोई - मिराज विमानांची धडक; एका पायलटचा मृत्यू ?

सीएम माणिक साहा यांना बोरदोवली विधानसभा मतदारसंघातून उमेदवारी देण्यात आली आहे. या यादीत केंद्रीय मंत्री प्रतिमा भौमिक यांच्या नावाचाही समावेश आहे. त्यांना धानपूर मतदारसंघातून उमेदवारी देण्यात आली आहे.

दोन मुस्लिम उमेदवार

भाजपच्या पहिल्या यादीत दोन मुस्लिम उमेदवारांचाही समावेश आहे. तफजल हुसेन यांना बॉक्सनगरमधून तिकीट दिले आहे तर कैलाशहरमधून मोहम्मद मोबेशर अली यांना उमेदवारी देण्यात आली आहे.

दरम्यान, काँग्रेसने पहिल्या यादीत 17 उमेदवारांची घोषणा केली आहे. त्यात आगरताळातून सुदीप रॉय बर्मन यांना तिकीट दिले आहे.

Biplab Kumar Dev
Shashi Tharoor: गुजरात दंगलीबाबत काँग्रेस खासदार शशी थरूर यांचे मोठे वक्तव्य, म्हणाले...

16 फेब्रुवारी रोजी मतदान

निवडणूक आयोगाने 18 जानेवारी रोजी त्रिपुरामध्ये 60 जागांसाठी विधानसभा निवडणुकीची तारीख जाहीर केली होती. राज्यात फेब्रुवारीला मतदान होणार आहे. 2 मार्च रोजी मतमोजणी होणार आहे. त्रिपुरा विधानसभेचा कार्यकाळ 22 मार्च रोजी संपत आहे. त्रिपुरा निवडणुकीसाठी 21 जानेवारी रोजी अधिसूचना जारी करण्यात आली आहे. नामांकनाची अंतिम तारीख 30 जानेवारी आहे. 2 फेब्रुवारीपर्यंत उमेदवारी अर्ज मागे घेता येणार आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com