Himachal Election 2022: हिमाचल प्रदेशात मतदासानासाठी प्रथमच क्युआर कोडचा वापर; पहिल्या 3 तासात 10 टक्के मतदान

68 जागांवर 412 उमेदवार रिंगणात; भाजप, काँग्रेस, 'आप'मध्ये लढत
Himachal Election 2022
Himachal Election 2022Dainik Gomantak

Himachal Election 2022: हिमाचल प्रदेशच्या सर्व 68 विधानसभा मतदारसंघात आज, शनिवारी सकाळी 8 पासून मतदानाला सुरवात झाली. राज्यात विधानसभेच्या एकुण 68 जागा असून यंदा 412 उमेदवार रिंगणात आहेत. तर राज्यात 55 लाख 92 हजार 882 मतदार आहेत.

Himachal Election 2022
Watch Video : द्रौपदी मुर्मू यांच्याविरोधात TMC मंत्र्याची आक्षेपार्ह टिप्पणी; भाजप संतप्त, पाहा व्हिडिओ

दरम्यान, बोगस मतदान रोखण्यासाठी निवडणूक आयोग सतर्क असून मतदानाचे रियल टाईम मॉनिटरिंग केले जात आहे. पहिल्यांदाच क्युआर कोडद्वारे मतदारांची ओळख पटवली जात आहे. राज्यातील कांगडा, शिमला, मंडी आणि हमीरपुर येथील प्रत्येकी एका मतदारसंघात ही प्रक्रिया राबवली जात आहे. मतदार मतदानासाठी गेल्यावर अधिकार अॅपच्या माध्यमातून त्याची मतदान स्लिप स्कॅन करतील. बोगस मतदान टाळण्यासाठी आणि निवडणुकीतील इतर अवैध प्रकार टाळण्यासाठी निवडणूक आयोगाने यासाठी पुढाकार घेतला आहे.

कडाक्याच्या थंडीतही लोक मतदानासाठी बाहेर पडले आहेत. पहिल्या तीन तासांतच जवळपास 10 टक्के मतदान पार पडले आहे. राज्यात 28 लाख 54 हजार 945 पुरुष मतदार तर 27 लाख 37 हजार 845 महिला मतदार आहेत. याशिवाय 38 थर्ड जेंडर मतदार आहेत. याशिवाय 67 हजार 559 सर्व्हिस मतदार, 56 हजार 501 दिव्यांग आणि 22 एनआरआय मतदार आहेत.

Himachal Election 2022
Bilkis Bano: बलात्काऱ्यांना 'संस्कारी' म्हणणाऱ्या नेत्याला भाजपनं दिलं तिकीट

सायंकाळी 5 पर्यंत मतदान असणार आहे. राज्यात 7,881 मतदान केंद्रांवर मतदान होत आहे. यावेळी निवडणुकीच्या रिंगणात भाजप, काँग्रेस आणि आम आदमी पक्षदेखील उतरला आहे.

आत्तापर्यंत मुख्यमंत्री जयराम ठाकूर यांनी त्यांच्या कुटूंबासह मतदान केले आहे. ठाकुर यांनी भाजपच पुन्हा सत्तेत येण्याचा विश्वास व्यक्त केला. काँग्रेस प्रदेशाध्यक्ष प्रतिभा सिंह यांनीही कुटुंबासह मतदान केले. यावेळी त्यांनी राज्यात काँग्रसचे सरकार येईल, असा विश्वास त्यांनी व्यक्त केला. विरोधी पक्षनेते मुकेश अग्निहोत्री यांनीही मतदानाचा हक्क बजावला. राज्यात मतदानाच्या पार्श्वभुमीवर सीआरपीएफच्या 67 तुकड्या आणि 11,500 पोलिस तैनात केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com