Delhi News: भाजपमधून निलंबित करण्यात आलेल्या नुपूर शर्मा यांना शस्त्र परवाना मिळाला आहे. मीडिया रिपोर्ट्सनुसार, त्यांना स्वसंरक्षणासाठी हा बंदुकीचा परवाना देण्यात आला आहे. शर्मा यांना जीवे मारण्याच्या धमक्या येत असल्याने त्यांनी बंदूक परवान्यासाठी अर्ज केल्याचे सांगण्यात येत आहे.
गेल्या वर्षी मे महिन्यात एका टीव्ही चर्चेदरम्यान भाजपच्या माजी प्रवक्त्या नुपूर शर्मा यांनी पैगंबरांबद्दल अपमानजनक टिप्पणी केली होती, ज्याचा देशापासून आंतरराष्ट्रीय स्तरावर विरोध झाला होता. नुपूर यांच्या या वक्तव्यामुळे देशातील अनेक राज्यांमध्ये निदर्शने झाली, तर अनेक मुस्लिम देशांनीही या वक्तव्याचा निषेध केला होता.
दुसरीकडे, वाद वाढत असल्याचे पाहून नुपूर शर्मा यांनी आपले वक्तव्य मागे घेतले होते. त्या म्हणाल्या होत्या की, 'आपले वक्तव्य कोणाच्याही धार्मिक भावना दुखावणारे नव्हते, तर टेलिव्हिजन चॅनेलवर शिवाची चेष्टा करण्याचे खंडन होते.'
नुपूर शर्मा यांच्यावर अनेक राज्यांत गुन्हे दाखल आहेत. नुपूर यांच्या कमेंटचे समर्थन करणाऱ्यांना धमक्याही आल्या होत्या. या वादातून आत्तापर्यंत दोन खून झाले आहेत. या वादग्रस्त वक्तव्याला दुजोरा देणारे फार्मासिस्ट उमेश कोल्हे यांची महाराष्ट्रातील (Maharashtra) अमरावती येथे जूनमध्ये हत्या करण्यात आली होती. तर काही दिवसांनंतर उदयपूरमधील एका टेलरची, ज्याने सोशल मीडियावर (Social Media) नुपूर शर्मा यांना पाठिंबा दिला होता, त्याची त्याच्याच दुकानात हत्या करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
