NTR Daughter Death: माजी मुख्यमंत्री NTR यांच्या मुलीची हैदराबादमध्ये आत्महत्या

टीडीपी संस्थापक आणि आंध्र प्रदेशचे माजी मुख्यमंत्री एनटी रामाराव (NTR) यांची मुलगी उमा माहेश्वरी यांचे निधन झाले
Uma Maheshwari Death
Uma Maheshwari DeathDainik Gomantak

NT Rama Rao's Daughter Death: टीडीपी संस्थापक आणि आंध्र प्रदेशचे माजी मुख्यमंत्री एनटी रामाराव (एनटीआर) यांची मुलगी उमा माहेश्वरी यांचे निधन झाले आहे. सोमवारी ती हैदराबाद येथील राहत्या घरी लटकलेल्या अवस्थेत आढळली. पोलिसांनी मृतदेह शवविच्छेदनासाठी स्थानिक शासकीय रुग्णालयात पाठवला आहे. कलम 174 CrPC अन्वये गुन्हा दाखल केला गेला असून पुढील तपास सुरू आहे. तेलगू देसम पार्टीचे (TDP) संस्थापक एनटी रामाराव यांच्या 12 मुलांपैकी उमा माहेश्वरी सर्वात लहान होत्या. महेश्वरीला गेल्या काही महिन्यांपासून प्रकृतीचा त्रास होत होता आणि त्यांच्यावर उपचार सुरू होते.

Uma Maheshwari Death
Gujarat: भारत-पाक सीमेवर आंतरराष्ट्रीय अंमली पदार्थ नेटवर्कचा पर्दाफाश

कुटुंबीय त्यांच्या निवासस्थानी पोहोचले

माजी केंद्रीय मंत्री आणि भाजप नेते दग्गुबती पुरंदेश्वरी आणि नारा भुवनेश्वरी या त्यांच्या बहिणी आहेत. नारा भुवनेश्वरी या TDP अध्यक्ष आणि माजी मुख्यमंत्री एन चंद्राबाबू नायडू यांच्या पत्नी आहेत. चंद्राबाबू नायडू, त्यांचा मुलगा नारा लोकेश आणि कुटुंबातील इतर सदस्य माहेश्वरी यांच्या निवासस्थानी पोहोचले आहेत. उमा माहेश्वरी यांचे भाऊ एन बालकृष्ण, एक टॉलिवूड अभिनेता आणि टीडीपी आमदार तसेच परदेशात राहणाऱ्या इतर कुटुंबातील सदस्यांना उमा माहेश्वरी यांच्या निधनाची माहिती देण्यात आली आहे.

Uma Maheshwari Death
Ghaziabad: एकाच वेळी 3 पिढ्या संपवणाऱ्या ड्राव्हरला न्यायालयाने सुनावली फाशीची शिक्षा

उमा माहेश्वरी या एनटीआर यांच्या धाकट्या कन्या होत्या

एनटी रामाराव हे भारतीय अभिनेता, चित्रपट निर्माता आणि राजकारणी होते. त्यांनी तीन टर्ममध्ये सात वर्षे आंध्र प्रदेशचे मुख्यमंत्री म्हणून काम पाहिले. 1996 मध्ये वयाच्या 72 व्या वर्षी त्यांचे निधन झाले. एनटीआरला 12 मुले होती - आठ मुले आणि चार मुली. उमा माहेश्वरी या चार मुलींमध्ये सर्वात लहान होत्या. नुकतेच उमा माहेश्वरी यांच्या मुलीच्या लग्नात संपुर्ण कुटुंबीय एकत्र आले होते. अभिनेता आणि माजी मंत्री एन हरिकृष्णासह एनटीआर यांच्या तीन मुलांचेही निधन झाले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com