माजी केंद्रीय मंत्री जसवंतसिंह यांचे निधन

Former Defence Minister Jaswant Singh passes away
Former Defence Minister Jaswant Singh passes away

नवी दिल्ली: माजी अर्थ, परराष्ट्र आणि संरक्षणमंत्री जसवंतसिंह (वय ८२)  यांचे आज येथे लष्करी रुग्णालयात निधन झाले. प्रथम भारतीय जनसंघ आणि नंतर भारतीय जनता पक्षाचे प्रमुख नेते व संसदपटू म्हणून ते ओळखले जात. राजकीय जीवनाच्या अखेरच्या टप्प्यात त्यांची भाजपमधून हकालपट्टी करण्यात आली होती व त्यानंतरच्या एका अपघाताने ते अखेरपर्यंत अंथरुणाला खिळून राहिले.

राष्ट्रीय स्वयंसेवक संघाची पार्श्वभूमी व संस्कार नसतानाही जसवंतसिंह हे प्रथम जनसंघ आणि नंतर भाजपच्या राष्ट्रीय नेत्यांमध्ये समाविष्ट होते. १९८० पासून ते २०१४ पर्यंत त्यांनी भाजपचे प्रतिनिधित्व केले. अपवाद म्हणून नव्वदच्या दशकात काहीकाळ ते संसदेत प्रवेश करू शकले नाहीत. जनसंघ-भाजपमध्ये राहूनही त्यांनी ठोकळेबाज किंवा पोथीनिष्ठ भूमिका न घेता एका व्यवहारी राजकीय नेत्याप्रमाणे राजकारण केले. योग्य व उचित कल्पनांबद्दल ते खुले राहत असत. त्यामुळेच इतर राजकीय पक्षांमध्येही त्यांच्याबद्दल आदरभावना होती. 

संरक्षण, परराष्ट्रनिती व अर्थनीती या विषयातील तज्ज्ञ असलेल्या जसवंतसिंह यांच्याकडून भरपूर शिकलो. - पंतप्रधान नरेंद्र मोदी

संपादन: ओंकार जोशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com