Former Deputy Chief Minister of Delhi Manish Sisodia: दिल्लीचे माजी उपमुख्यमंत्री आणि आम आदमी पक्षाचे दुसऱ्या क्रमांकाचे नेते मनीष सिसोदिया यांच्या अडचणी कमी होताना दिसत नाहीत. दारु घोटाळ्यात अटक करण्यात आलेल्या सिसोदिया यांना 14 दिवसांची न्यायालयीन कोठडी सुनावण्यात आली आहे.
सिसोदिया यांना 20 मार्चपर्यंत तिहार तुरुंगात राहावे लागणार आहे. मात्र, त्यांच्या जामीन अर्जावरही 10 मार्च रोजी सुनावणी होणार आहे.
दरम्यान, आप नेते सिसोदिया यांनी न्यायालयीन कोठडीत औषधे, डायरी, पेन आणि भगवद्गीता तुरुंगात ठेवण्याची परवानगी मागितली. सिसोदिया यांना मेडिटेशन सेलमध्ये ठेवण्यात येणार आहे. सिसोदिया आतापर्यंत एकूण 7 दिवसांच्या सीबीआय रिमांडवर आहेत.
सीबीआयने (CBI) 8 तासांहून अधिक काळ चौकशी केल्यानंतर 26 फेब्रुवारी रोजी आप नेते सिसोदिया यांना अटक केली होती.
तसेच, 27 फेब्रुवारी रोजी राऊस अव्हेन्यू कोर्टाने सिसोदिया यांना 4 मार्चपर्यंत सीबीआय कोठडीत पाठवले होते, जेणेकरुन त्यांची सविस्तर चौकशी करता येईल. दरम्यान, सिसोदिया यांनी सर्वोच्च न्यायालयातही (Supreme Court) जामीन अर्ज दाखल केला होता. मात्र, सर्वोच्च न्यायालयाने या याचिकेवर सुनावणी घेण्यास नकार दिला.
सिसोदिया यांना 4 मार्च रोजी न्यायालयात हजर केले असता न्यायाधीश एमके नागपाल यांनी त्यांना आणखी दोन दिवसांची सीबीआय कोठडी सुनावली होती. त्यानंतर सीबीआयने कोर्टाकडे तीन दिवसांची कोठडी मागितली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
