दंगल संबंधित प्रकरणात दिल्ली कोर्टाने जेएनयूचा माजी विद्यार्थी उमर खालिद याला जामीन मंजूर केला आहे. दिल्लीत झालेल्या दंगल प्रकरणासंबंधित खटल्यांमध्ये पुष्कळ लोकांची ओळख पटलेली नाही आणि त्यांना अटक करावी लागेल, या कारणावरून उमर खालिदला अनिश्चित काळासाठी तुरूंगात ठेवता येणार नसल्याचे न्यायालयाने म्हटले आहे.
गेल्या वर्षी दिल्लीतील हिंसाचाराचा आरोपी विद्यार्थी नेता उमर खालिदने जानेवारीत सत्र न्यायालयात याचिका दाखल करत तुरुंगातच संगणकावर दोषारोपपत्र पहाण्याची परवानगी न्यायालयाकडे मागितली होती. या याचिकेत उमर खालिदने अद्याप आपल्यावर दाखल केलेले आरोपपत्र पाहिले नसल्याचे त्याने नमूद केले होते. शिवाय, तुरुंगातील संगणकावरूनच दोषारोपपत्र दाखवावे अशी मागणी उमर खालिदने केली होती. यानंतर उमर खालिदने पोलिसांनी मीडियामध्ये आरोपपत्र लीक केल्याचा आरोप देखील केला होता. तसेच, आरोपपत्रच मिळालेले नसून, यामुळे न्यायपूर्ण सुनावणीचे उल्लंघन होत असल्याचे उमर खालिदने म्हटले होते.
दरम्यान, जानेवारी महिन्याच्या अखेरीस दिल्लीत विधानसभा निवडणुकांच्या काही दिवसांपूर्वी दक्षिणेकडील भागात मोठा हिंसाचार उद्भवला होता. या हिंसाचारात सार्वजनिक मालमत्तेचे मोठे नुकसान झाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.