अखिल भारतीय तंत्रशिक्षण परिषदेने अर्थात (AICTE) आता महाविद्यालयांना आठ भाषामधून इंजिनियरिंगचं (Engineering) शिक्षण घेण्याची परवानगी दिली आहे. 2020-21 या शैक्षणिक वर्षापासून मराठीसह (Marathi) तेलगू, कन्नड, बंगाली, तमिळ, गुजराती, आणि मल्याळम या आठ भारतीय भाषामधून अभियांत्रीकीचं शिक्षण घेता येणार आहे. या निर्णयामुळे आदीवासी (Tribal) तसेच ग्रामीण भागातल्या विद्यार्थ्यांना इंजिनियरिंगच्या शिक्षणाचा लाभ घेता येणार आहे.
आत्तापर्यंत अनेक हुशार विद्यार्थी इंग्रजीच्या भितीने अभियांत्रकीच्या शिक्षणापासून वंचित राहिले आहेत. रशिया. जर्मनी, जपान, चीन अशा देशांमध्ये त्यांच्या स्थानिक भाषांमधून शिक्षण दिलं जातं. (Good news Engineering can be studied in eight Indian languages including Marathi)
AICTE चे अध्यक्ष अनिल सहस्त्रबुध्दे (Anil Sahasrabudhe) म्हणाले की, विद्यार्थ्यांना जर त्यांच्या मातृभाषेतून इंजिनियरिंगचं शिक्षण घेता आलं तर त्यांचा पाया मजबूत होण्यास आणखी मदत होईल. आम्हाला पूर्ण देशांमधून 500 अर्ज आले आहेत. येणाऱ्या काळात अभियांत्रीकीचं पदव्युत्तर शिक्षण आणखी 11 भाषांमधून देण्यासंदर्भात नियोजन करत आहोत.
तसेच AICTE या सर्व कोर्सच्या अभ्यासासाठी लागणारी पुस्तके, नोट्स हे सर्व काही स्थानिक भाषांमध्ये उपलब्ध आहेत. त्याचबरोबर स्वयम आणि MOOC या पोर्टल्सवरंच साहित्यही या भाषांमध्ये भाषांतरीत केलं असल्याचं यावेळी सहस्त्रबुध्दे यांनी माध्यमांशी बोलताना सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.