Gujrat Assembly Elections: गुजरात निवडणुकीतील PM मोदींच्या मॅरेथॉन रॅलींना आजपासून सुरुवात

Gujrat Assembly Elections: गुजरात विधानसभा निवडणुकीबाबत भाजपने प्रचारासाठी पंतप्रधान मोदींसह 40 स्टार प्रचारकांची नावे यादीत समाविष्ट केली आहेत.
Narendra
Narendra Dainik Gomantak

गुजरात विधानसभा निवडणुकीसाठी राजकीय पक्षांनी जोरात प्रचार सुरू केला आहे. याच भागात पंतप्रधान नरेंद्र मोदी (PM Modi)आजपासून निवडणूक प्रचारासाठी राज्यात पोहोचणार आहेत. गुजरात निवडणुकीसंदर्भात पंतप्रधान राज्यभरात एकूण 25 सभा घेणार आहेत. 

पंतप्रधानांच्या रॅलीचे नियोजन मोठ्या प्रमाणावर करण्यात आले असून, त्यासाठी जोरदार तयारी सुरू आहे. पंतप्रधान नरेंद्र मोदी 20 नोव्हेंबर रोजी सौराष्ट्र दौऱ्यावर जाणार असून तेथे ते वेरावळ, धोराजी, अमरेली आणि बोटाडला भेट देणार आहेत. या ठिकाणी पंतप्रधान जाहीर सभांना संबोधित करणार आहेत. 

  • भाजप विशेष तयारीत गुंतला

वलसाड जिल्ह्यातील भाजप (BJP) कार्यकर्ते आणि संघटनेने आज पंतप्रधान मोदींच्या स्वागतासाठी विशेष तयारी केली आहे. वलसाडच्या पारडी विधानसभा मतदारसंघातील भाजपचे उमेदवार कनू देसाई यांनी आज होणाऱ्या रोड शोच्या मार्गाची पाहणी केली. त्याचबरोबर पीएम मोदींच्या रोड शोबाबत सुरक्षा व्यवस्थेवरही विशेष लक्ष ठेवण्यात आले आहे. पीएम मोदींच्या सुरक्षेसाठी 9 एसपी, 17 डीएसपी, 40 पीआय, 90 पीएसआय यांच्यासह 15000 पोलीस तैनात करण्यात येणार आहेत.

Narendra
Bride Groom Kiss: भर मंडपातच वधू-वर झाले रोमँटिक, अन् मग काय...! पाहा Video

40 स्टार प्रचारकांची नावे

गुजरात (Gujrat) निवडणुकीच्या प्रचारात भाजप कोणतीही कसर सोडू इच्छित नाही. पीएम मोदींव्यतिरिक्त पक्षाने 40 स्टार प्रचारकांची नावे जाहीर केली आहेत. यामध्ये जेपी नड्डा ते अमित शहा, नितीन गडकरी, राजनाथ सिंह, स्मृती इराणी, भूपेंद्र पटेल, मनोज तिवारी अशा नावांचा समावेश आहे. याशिवाय गुजरातचे स्थानिक नेते आणि मंत्रीही निवडणूक प्रचारात महत्त्वाची भूमिका बजावणार आहेत. मीडिया रिपोर्ट्सनुसार, काँग्रेस नेते राहुल गांधी देखील निवडणूक प्रचारासाठी गुजरातमध्ये रॅलीसाठी पोहोचू शकतात. 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com