'असानी' चक्रीवादळामुळे या राज्यांमध्ये मुसळधार पाऊस, IMD चा मच्छिमारांना इशारा

आयएमडीचे वरिष्ठ शास्त्रज्ञ उमाशंकर दास यांनी सांगितले की, 'असानी' चक्रीवादळ 16 किमी प्रतितास वेगाने उत्तर-पश्चिम दिशेने सरकत आहे. हे आग्नेय दिशेला विशाखापट्टणमपासून 970 किमी आणि पुरीपासून आग्नेय-पूर्व दिशेने 1020 किमी अंतरावर आहे.
'असानी' चक्रीवादळामुळे या राज्यांमध्ये मुसळधार पाऊस, IMD चा मच्छिमारांना इशारा
Weather UpdateDainik Gomantak

नवी दिल्ली: भारतीय हवामान विभागाने रविवारी सांगितले की बंगालच्या उपसागरावरील खोल दाबाचे क्षेत्र 'असानी' चक्रीवादळात तीव्र झाले आहे आणि पुढील 24 तासांत ते आणखी तीव्र होईल. रविवारी सायंकाळपर्यंत या चक्रीवादळाचा प्रभाव दिसून येईल, असे हवामान तज्ज्ञांचे म्हणणे आहे.

(Heavy Rain Due To asani Cyclone fishermen)

Weather Update
'इंदिरा गांधींनीच पहिल्यांदा दिले होते अल्पसंख्याकांविरुध्द बुलडोझर चालवण्याचे आदेश'

ते वायव्येकडे सरकून 24 तासांत पूर्व-मध्य भागात तीव्र चक्री वादळात रूपांतरित होण्याची दाट शक्यता आहे. आयएमडीचे वरिष्ठ शास्त्रज्ञ उमाशंकर दास यांनी सांगितले की, 'असानी' चक्रीवादळ 16 किमी प्रतितास वेगाने उत्तर-पश्चिम दिशेने सरकत आहे. हे आग्नेय दिशेला विशाखापट्टणमपासून 970 किमी आणि पुरीपासून आग्नेय-पूर्व दिशेने 1020 किमी अंतरावर आहे.

ते म्हणाले, 10 मेच्या संध्याकाळपर्यंत ते वायव्य दिशेने सरकेल आणि ओडिशाच्या किनारपट्टीला समांतर सरकेल. उमाशंकर दास म्हणाले की, हे चक्रीवादळ 10 मे पर्यंत उत्तर आंध्र प्रदेश आणि ओडिशाच्या किनारपट्टीवर पोहोचू शकते. त्याच दिवशी संध्याकाळपासून या राज्यांमध्ये पाऊस सुरू होईल. ओडिशातील गजपती, गंजम आणि पुरी या तीन जिल्ह्यांमध्ये पावसाचा यलो अलर्ट जारी करण्यात आला आहे.

(IMD Latest Update)

Weather Update
जम्मू-काश्मीर: कुलगाममध्ये चकमक, सुरक्षा जवानांनी दहशतवाद्यांना घेरले

11 मे रोजी ओडिशातील पाच जिल्ह्यांमध्ये मुसळधार पावसाची शक्यता आहे. भारतीय हवामान खात्याने मच्छिमारांना पुढील काही दिवस समुद्रात न जाण्याचा इशारा दिला आहे. 9 मे आणि 10 मे रोजी ओडिशाच्या किनारपट्टीवरील समुद्राची स्थिती खराब राहील.

दुसरीकडे, उत्तर आणि मध्य भारतातील राज्यांमध्ये उष्णतेची लाट कायम राहण्याचा अंदाज आहे. हवामान खात्यानुसार, महाराष्ट्रातील विदर्भात ८ ते १२ मे दरम्यान उष्णतेची लाट राहील. त्याचप्रमाणे पश्चिम राजस्थानमध्ये 8 ते 12, दक्षिण हरियाणा आणि पूर्व राजस्थान 9 ते 12, पश्चिम मध्य प्रदेश 8 ते 9, दक्षिण पंजाब आणि जम्मू विभागात 10 ते 12 मे या कालावधीत उष्णतेची लाट राहील. उत्तर प्रदेश आणि दिल्लीतही पुढील काही दिवस उष्णतेपासून दिलासा मिळण्याची आशा नाही. मात्र, आसनी चक्रीवादळामुळे बिहारच्या काही भागात पाऊस पडू शकतो.

(Weather Latest Update)

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.