कोरोना झाल्याने माझी स्मरणशक्ती गेली - मंत्री सत्येंद्र जैन

मनी लाँड्रिंग प्रकरणी दिल्लीचे मंत्री सत्येंद्र जैन यांची चौकशीदरम्यान दिलं उत्तर
कोरोना झाल्याने माझी स्मरणशक्ती गेली - मंत्री सत्येंद्र जैन
Satyendra Kumar JainDainik Gomantak

गेल्या काही दिवसांपासून भारतात विशेषत: महाराष्ट्रामध्ये राष्ट्रीय तपास यंत्रणांनी चौकशीसाठी अनेक दिग्गज नेत्यांना नोटीस बजावली आहे. या पार्श्वभूमीवर दिल्लीचे मंत्री सत्येंद्र जैन यांना ईडीने मनी लाँड्रिंग प्रकरणी गेल्या महिन्यात अटक केली आहे. दरम्यान, सत्येंद्र जैन यांनी ईडीच्या सुनावणीवेळी धक्कादायक दावा केला आहे की, मला कोरोना झाल्याने माझी स्मरणशक्ती गेली आहे. (I lost my memory because of Corona - Minister Satyendra Jain )

Satyendra Kumar Jain
अशी केली जाईल 'अग्निपथ' योजनेअंतर्गत 'अग्निवीरांची' भरती?

दिल्लीच्या न्यायालयात ईडीने सत्येंद्र जैन यांच्या तपासाबद्दल माहिती दिली. त्यात ईडीने म्हटलं की, प्रश्न विचारल्यानंतर सत्येंद्र जैन यांनी सांगितलं की, "मला कोविड झाला आणि त्यामुळे माझी स्मरणशक्ती गेली आहे." ईडीने सत्येंद्र जैन यांच्याकडे काही कागदपत्रांबाबत चौकशी केली होती. मनी लाँड्रिंगचे पैसे मिळणाऱ्या ट्रस्टशी सत्येंद्र जैन यांचे काय संबंध आहेत? ते त्या ट्रस्टचे सदस्य आहेत का यासंबंधी प्रश्न विचारले जात होते.

Satyendra Kumar Jain
Monsoon Update: मान्सूनचा बदलला मूड, कुठे हलक्या सरी तर कुठे कडक ऊन

सत्येंद्र जैन यांना ईडीने 30 मे रोजी अटक केली होती. त्यांच्यावर उत्पन्नापेक्षा जास्त संपत्ती जमवल्याचे आणि मनी लाँड्रिंगचे आरोप होते. ईडीने त्यांच्या निवासस्थानी छापा टाकला होता. ईडीने दावा केला होता की, केजरीवाल यांच्या मंत्रिमंडळातील मंत्री सत्येंद्र जैन यांनी पत्नी आणि मुलींच्या नावावर 16 कोटी रुपयांची फसवणूक केली होती. दुसऱ्या बाजूला केजरीवाल यांनी मात्र सत्येंद्र जैन यांच्याविरोधातील गुन्हा खोटा असल्याचं म्हटलं होतं.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com