Rajdhani Express मध्ये बॉम्ब ठेवल्याचा फोन, चौकशीत धक्कादायक माहिती उघड...

Rajdhani Express: नवी दिल्ली रेल्वे स्थानकावरून मुंबईकडे जाणाऱ्या राजधानी एक्सप्रेसमध्ये बॉम्ब असण्याची माहिती मिळाली होती पण ही अफवा होती.
Rajdhani Express
Rajdhani ExpressDainik Gomantak

Rajdhani Express: नवी दिल्ली रेल्वे स्थानकावरून मुंबईकडे जाणाऱ्या राजधानी एक्सप्रेसमध्ये बॉम्ब असल्याची अफवा पसरवल्याप्रकरणी पोलिसांनी भारतीय हवाई दलाच्या एका अधिकाऱ्याला ताब्यात घेतले आहे.

याप्रकरणी पोलिसांनी (Police) खोल चौकशी केल्यास एक धक्कादायक माहिती समोर आली आहे. संबंधित अधिकाऱ्याने रेल्वेला उशीर करण्यासाठी पीसीआर कमांड रूमला रेल्वेमध्ये बॉम्ब असल्याची खोटी माहिती दिल्याची कबूली दिली आहे. यामुळे अधिकाऱ्याविरोधात कायदेशीर कारवाई करण्यात आली.

शनिवारी संध्याकाळी 4.55 वाजता राजधानी एक्स्प्रेस (Rajdhani Express) दिल्लीवरून मुंबईच्या (Mumbai) दिशेने रवाना होणार होती. यापूर्वी सात मिनिटे पीसीआर कमांड रूमने पोलिसांना बॉम्ब कॉलची माहिती दिली.

रेल्वेत (Railway) बॉम्ब असल्याची माहिती मिळताच अधिकाऱ्यांमध्ये खळबळ उडाली. त्यानंतर ताबडतोब रेल्वे आणि मध्य जिल्ह्याच्या बॉम्ब निकामी पथकाचे पाचारण करण्यात आले. रेल्वे संरक्षण दलही या कारवाईत सामील झाले.

परंतु, तपासात कोणतीही संशयित वस्तू आढळली नाही. त्यानंतर रेल्वेत बॉम्ब असल्याची माहिती देणाऱ्या फोनची चौकशी केली असता हा फोन भारतीय वायु दलाचे अधिकारी सुनील सांगवान यांनी केल्याची माहिती उघड झाली.

Rajdhani Express
Rajnath Singh: युद्धाची गरज पडलीच तर... NCC कॅम्पमध्ये संरक्षण मंत्री राजनाथ सिंह यांचे मोठे विधान

पोलिसांनी दिलेल्या माहितीनुसार सांगवान हे राजधानी एक्स्प्रेसमधून दिल्लीहून मुंबईला जाणार होते. पण त्यांना उशीर झाल्याने त्यांनी रेल्वेत बॉम्ब असल्याची अफवा पसरवली. कॉलर कोच बी-9 सीट क्रमांक-1 वरून शोधण्यात आला.

त्याच्या भारतीय वायुसेनेच्या ओळखपत्रावरून त्याची ओळख पटली. पीसीआर कॉल करण्यासाठी वापरलेला मोबाईलही (Mobile) जप्त करण्यात आला आहे. त्याची वैद्यकीय चाचणी करण्यात आली. ज्यामध्ये तो दारूच्या नशेत असल्याची पुष्टी झाली. त्याच्यावर कायदेशीर कारवाई करण्यात आली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com