AAP: भरविधानसभेत आपच्या आमदाराने नोटांचे बंडल काढले, म्हणाले; भाजप...

AAP: ते आपल्याला ठार मारू शकतात. अशी भिती व्यक्त करताना, या लाच घोटाळ्याची निष्पक्ष चौकशी झाली पाहिजे असीही मागणी आमदार गोयल यांनी केली.
AAP
AAPDainik Gomantak

AAP: दिल्लीच्या विधानसभेत सलग तिसऱ्या दिवशी गोंधळ झाल्याचे दिसून आले आहे. आम आदमी पक्षाचे आमदार मोहिंदर गोयल यांनी भर विधानसभेत नोटांचे बंडल फडकावत त्यांना भाजपने आपल्याला 15 लाख रुपए लाच दिल्याचं म्हटले आहे.

गोयल यांनी आधी लाच घेतली व पोलिसां( Police)ना याची माहिती मिळताच त्यांनी उलट आरोप सुरु केले आहेत असं भाजप नेते मनजिंदरसिंग सिरसा यांनी म्हटले आहे. गोयल यांनी भाजपवर आरोप करताना म्हटले आहे की दिल्ली सरकारच्या बाबासाहेब आंबेडकर रूग्णालयात परिचारिका व अन्य पदांच्या भरतीसाठी टेंडर काढण्यात आले आहे.

80 टक्के जुन्या कर्मचाऱ्यांना कायम करावे लागते असा शासनाचा नियम आहे. परंतु त्यासाठी लाच मागितली जात आहे. ठेकेदाराने या प्रकारात आमदारांना सहभागी करून घेण्यासाठी मलाही लाच देण्याचा प्रयत्न केला. मी त्याला रंगेहात पकडण्यासाठी 15 लाख रुपए घेतले परंतु तशी माहिती मी पोलीस आयुक्तांना आधीच दिली होती. मात्र त्यांच्यावर कोणतीही कारवाई झाली नाही. ही लाचखोरी उघड करताना आपण जीव धोक्यात घातला आहे. ते आपल्याला ठार मारू शकतात. अशी भिती व्यक्त करताना, या लाच घोटाळ्याची निष्पक्ष चौकशी झाली पाहिजे असीही मागणी आमदार गोयल यांनी केली. .

AAP
Assembly Election Dates: त्रिपुरा, मेघालय अन् नागालँडमधील विधानसभा निवडणुकांच्या तारखांची घोषणा...!

दरम्यान, विधानसभेत आज भाजप आमदारांनी यमुनेच्या प्रदूषणावरून प्रचंड गदारोळ केला. आमदार अनिल वाजपेयी आणि ओ पी शर्मा यांना मार्शल्सनी खांद्यावर उचलून सभागृहाबाहेर नेले. त्यानंतर भाजप(BJP) आमदारांनी सभात्याग केला व विधानसभेबाहेर त्यांनी निदर्शने केल्याचे दिसून आले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com