देशातील तीन लोकसभा आणि 7 विधानसभेच्या पोटनिवडणुकांचे निकाल लागले आहेत तर आज म्हणजेच 26 जून रोजी सकाळी 8 वाजल्यापासून मतमोजणीला सुरुवात झाली होती. 23 जूनला त्रिपुरातील चार विधानसभा जागांवर झालेल्या मतदानाचा निकालही जाहीर झाला आहे. भाजपने 4 पैकी 3 जागा जिंकल्या आहेत तर दुसरीकडे काँग्रेसला एका जागेवर विजय मिळाला आहे. (In Tripura Assembly elections BJP has won 3 seats while Congress has won 1 seat)
या चार जागांवरील टीएमसी चौथ्या क्रमांकावर आहे. भाजपचे उमेदवार तसेच मुख्यमंत्री माणिक साहा (Manik Saha) हे त्रिपुराच्या टाउन बारडोली मतदारसंघातून विजयी झाले आहेत. ते 6104 मतांनी विजय आपल्या नावावर केला आहे. माणिक साहा यांना 17181 मते मिळाली आहेत. तर काँग्रेसचे उमेदवार आशिषकुमार साहा यांना 11077 मते मिळाली आहेत. तर TMC उमेदवाराला 986 मते मिळाली आहेत.
दुसरीकडे, सूरमा विधानसभेच्या पोटनिवडणुकीत भाजपचा उमेदवार विजयी झाला. तसेच भाजपच्या उमेदवार स्वप्ना दास (पॉल) यांना 16677 मते मिळाली आहेत. काँग्रेसच्या उमेदवाराला 8415 मते मिळाली आहेत. तर TMC उमेदवाराला 1341 मते मिळाली आहेत.
दुसरीकडे जुबराजनगर विधानसभा जागेच्या पोटनिवडणुकीत भाजपच्या उमेदवार मलिना देबनाथ यांनी सीपीआय (मार्क्स) उमेदवाराचा पराभव करून विजय मिळवला आहे. मलिना देबनाथ यांना 18769 मते मिळाली तर काँग्रेसच्या उमेदवाराला 1440 मते मिळाली आहेत. तर माकपला 14197 मते मिळाली आहेत. तर टीएमसीला 1080 मते मिळाली.
याच आगरतळ्यात काँग्रेसच्या (Congress) उमेदवाराने भाजपच्या उमेदवाराचा पराभव करून विजय आपल्या नावावर केला आहे. भाजपचे उमेदवार अशोक सिन्हा यांना 14268 मते मिळाली तर काँग्रेसचे उमेदवार सुदीप रॉय बर्मन यांना 17241 मते मिळाली आहेत.
तर टीएमसीचे उमेदवार पन्ना देब यांना 830 मते मिळाली तर सीपीआय(एम) उमेदवाराला 6736 मते मिळाली आहेत. या चार विधानसभांच्या मतदानाच्या टक्केवारीबद्दल बोलायचे झाले तर भाजपला 44.90 टक्के मते मिळाली. तसेच काँग्रेसला 20.10 टक्के, सीपीआय(एम)ला 19.75 टक्के आणि टीएमसीला 2.85 टक्के मते मिळाली आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
