कोरोनामुळे मानसिक आरोग्यावर परिणाम;  आत्महत्येच्या घटनांत वाढ

गोमन्तक वृत्तसेवा
सोमवार, 14 सप्टेंबर 2020

आर्थिक समस्या आणि ताणतणावाला सामोरे जात असतानाच कोरोनामुळे निर्माण झालेल्या पोकळीमुळे अनेक जणांना काळजीने घेरले आहे. सुरुवातीला सौम्य दिसणारी ही लक्षणे पुढे अति तीव्रही होत जातात. या टप्प्यात स्वतःला इजा करून घेण्याचे प्रमाण वाढते, असे मानसोपचार तज्ज्ञ, दिल्लीतील अशोका सेंटरचे संचालक अरविंदर सिंग यांनी सांगितले.

नवी दिल्ली: कोरोनाच्या संसर्गाच्या भीतीने लॉकडाउनमध्ये गेले काही महिने घरात राहिल्यानंतर आता बाहेरच्या बदललेल्या जगाशी जुळवून घेणे हजारो लोकांना कठीण वाटत आहे. यामुळे भारतात अनेकांच्या मानसिक आरोग्यावर परिणाम होत असल्याचे दिसत आहे.

मानसिक ताणातून नैराश्‍येपासून अगदी आत्महत्येचे टोकही गाठले जात आहे. 

आर्थिक समस्या आणि ताणतणावाला सामोरे जात असतानाच कोरोनामुळे निर्माण झालेल्या पोकळीमुळे अनेक जणांना काळजीने घेरले आहे. सुरुवातीला सौम्य दिसणारी ही लक्षणे पुढे अति तीव्रही होत जातात. या टप्प्यात स्वतःला इजा करून घेण्याचे प्रमाण वाढते, असे मानसोपचार तज्ज्ञ, दिल्लीतील अशोका सेंटरचे संचालक अरविंदर सिंग यांनी सांगितले.

चार महिन्यांत ९० आत्महत्या
गुजरातमध्ये १०८ आप्तकालिन रुग्णवाहिका सेवेकडे लॉकडाउनच्या काळात एप्रिल ते जुलै या काळात स्वतःला जखमी केल्याच्या ८०० तर आत्महत्येच्या ९० घटनांची नोंद झाली. दिल्ली, उत्तर प्रदेश, ओडिशासह बहुतेक राज्यांमध्ये अशा घटना घडत आहेत. यासाठी मानसिक तणावाखाली असलेल्या रुग्णांना कसे हाताळायचे, त्यांच्यावरील उपचाराचे प्रशिक्षणही विविध संस्थामध्ये देण्यात येत आहे. 

नैराश्‍याची कारणे...

  • कोरोना संसर्ग होण्याची भीती
  • ताप, खोकला झाल्यास काळजी वाढणे
  • आर्थिक चणचण, नोकरी जाणे, कर्जाचे हप्ते भरणे
  • भविष्यातील अनिश्‍चितता
  • शिक्षण, विवाह

 

संपादन: ओंकार जोशी

संबंधित बातम्या