भारत लवकरच गहू निर्यात करणार ?

रशिया-युक्रेन युद्धामुळे गव्हाच्या किंमतीत तफावत वाढली
Wheat exports
Wheat exportsDainik Gomantak

गेले काही दिवस गहू आयात - निर्यातीवरुन विरोधी पक्षांनी केंद्रावर निशाणा साधला आहे. गव्हाची किंमतीवरुन देशभरात गदारोळ झाल्याचं बऱ्याचदा समोर आले आहे. केंद्र सरकार ही गहू दरावरुन विचार करत होते. या पार्श्वभूमीवर भारत लवकरच सुमारे 1.2 मिलियन टन गहू निर्यात करण्यास मान्यता देऊ शकतो, अशी चर्चा आहे. तत्पूर्वी, भारत सरकारने गेल्या महिन्यात गव्हाच्या निर्यातीवर बंदी घातली होती. त्यामुळे मोठ्या प्रमाणात गहू बंदरांवर जमा झाला आहे. (India to export wheat soon )

Wheat exports
जम्मु - काश्मीर : ''अजून वेळ आहे घाटी सोडा, नाहीतर आमच्या गोळ्या संपल्या नाहीत''

एका वृत्तवाहीनीने दिलेल्या माहितीनुसार, 1.2 मिलियन टन गव्हाच्या निर्यातीला मंजुरी मिळाल्यानंतरही सुमारे 500,000 टन गहू बंदरांमध्ये राहू शकतो. अजूनही काही व्यापाऱ्यांना निर्यातीचे परवाने मिळू शकलेले नाहीत. निर्यातबंदीनंतर भारताने 469,202 टन गहू पाठवण्यास परवानगी दिली आहे. परंतु किमान 1.7 मिलियन टन गहू अजूनही बंदरांवर पडून आहे, ज्याचे पावसामुळे नुकसान होऊ शकते. त्यामुळे व्यापाऱ्यांमध्ये गव्हाच्या दर्जाबाबत चिंता वाढली आहे.

Wheat exports
नुपूर शर्मांना पाकिस्तानी पत्रकाराने दिला पाठिंबा, 'अडचण असेल तर...'

रशिया-युक्रेन युद्धामुळे तफावत वाढली

रशिया-युक्रेन युद्धामुळे जगभरात गव्हाची मागणी आणि पुरवठा यातील तफावत वाढली आहे. आंतरराष्ट्रीय बाजारात युरोपियन युनियन (EU) गव्हाची किंमत सुमारे 43 रुपये प्रति किलो आहे. तर भारतीय गहू 26 रुपये किलो दराने विकला जात आहे. दोन्हीमध्ये 17 रुपये किलोचा फरक आहे. सरकारी आकडेवारीनुसार, एप्रिल 2021 च्या तुलनेत भारताने वर्षभरात पाचपट अधिक गव्हाची निर्यात केली आहे. एप्रिल 2022 मध्ये भारताने 14.5 लाख टन गहू निर्यात केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com