नवी दिल्ली: जर तुम्ही होळीसाठी ट्रेनने घरी जाण्याचा विचार करत असाल तर ही बातमी तुमच्यासाठी अत्यंत महत्त्वाची आहे. होळीचा सण जवळ आला आहे आणि लोकं कामावरुन आपल्या घरी निघणार आहेत. परंतु सध्या सर्व रेल्वेगाड्या पूर्वीप्रमाणे भारतीय रेल्वेकडून चालवल्या जात नाहीत. तेव्हा विशेष गाड्यांच्या मदतीने आपण आपल्या घरी जाऊ शकाल. लोकांना घरी जायला मदत करण्यासाठी भारतीय रेल्वेने होळी विशेष गाड्या सुरू केल्या आहेत. होळी 28 आणि 29 मार्च रोजी आहे, अशा परिस्थितीत या गाड्यांचा ऑपरेटिंग कालावधी वाढवल्याने लोकांना त्याचा फायदा होणार आहे.
रेल्वेने काही साप्ताहिक विशेष गाड्या चालवण्याचीही घोषणा केली आहे. या गाड्यांच्या तिकिटांचे बुकिंग पीआरएस काउंटर आणि आयआरसीटीसी वेबसाइटवरून करता येणार आहे. याशिवाय डिब्रूगड राजधानी एक्सप्रेस आता आठवड्यातून पाच दिवस धावणार आहे. ही ट्रेन दिब्रूगड येथून धावेल आणि मुगलसराय पंडित दीनदयाळ उपाध्याय जंक्शन, प्रयागराज आणि कानपूरमार्गे नवी दिल्ली येथे पोहोचेल. ही ट्रेन नवी दिल्ली रेल्वे स्थानकातून सकाळी 11.25 वाजता सुटणार आहे. पूर्वी ही ट्रेन मंगळवारी फक्त दिल्लीहून येत होती. आता दिब्रुगडहून ही ट्रेन दर रविवारी, मंगळवार, बुधवार, गुरुवार आणि शनिवारी धावणार आहे.
या वर्षी 29 मार्च 2021 ला होळी आणि 28 मार्च म्हणजे रविवारी होलिका दहन (Holika Dahan) साजरा करण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.