‘कोड फॉर कॉल’मध्ये गोव्यातील विद्यार्थ्यांचा ठसा

शुद्ध पाण्याच्या संशोधनासाठी आंतरराष्ट्रीय पुरस्कार : विद्यार्थ्यांनी बनविले ॲप
‘कोड फॉर कॉल’मध्ये गोव्यातील विद्यार्थ्यांचा ठसा
Indian students receive international award for pure water research Dainik Gomantak

पणजी: ‘आयबीएम’ (IBM) या आंतरराष्ट्रीय संस्थेच्या संशोधनपर स्पर्धेत पहिल्यांदाच भारतीय विद्यार्थांनी (Indian Students) देशाच्या शिरपेचात मानाचा तुरा खोवला आहे. अभिमानाची बाब म्हणजे या पारितोषिक प्राप्त विद्यार्थ्यांमध्ये गोव्यातील (Goa Students) दोन विद्यार्थ्यांचा समावेश आहे. संकेत मराठे हा आग्नेल तंत्रज्ञान आणि अभियांत्रिकी महाविद्यालयाचा विद्यार्थी आहे, तर हृषिकेश भंडारी हा मद्रास आयआयटीचा (IIT) विद्यार्थी असून तो ताळगावचा रहिवाशी आहे.

‘आयबीएम’ ही आंतरराष्ट्रीय संस्था जगभरातील विद्यार्थ्यांच्या विविध संशोधनांचे परीक्षण करते. निसर्ग, पर्यावरण, प्राणीदया, लोकोपयोगी जीवनमानावरील संशोधनावर या संस्थेकडून प्रोत्साहन दिले जाते. त्याचाच एक भाग म्हणून दरवर्षी विविध लोकोपयोगी संशोधनांसाठी संस्थेकडून उत्कृष्ट संशोधनासाठी पारितोषिक दिले जाते. यंदा पहिल्यांदाच हे पारितोषिक भारतातील विद्यार्थ्यांच्या संशोधनाला मिळाले आहे. पाच विद्यार्थ्यांनी केलेल्या या संशोधनात लोकांना शुद्ध पाण्याचा पुरवठा हा उपक्रम मांडण्यात आला आहे.

Indian students receive international award for pure water research
गोवा विद्यापीठात प्रलंबित निकालातील घोटाळ्याप्रकरणी NSUI ची निदर्शने

काय आहे संशोधन?

जनसामान्यांना शुद्ध पाणी मिळावे, या उद्देशाने भारतातील पाच विद्यार्थ्यांनी एक उपक्रम ‘आयबीएम’कडे सुपूर्द केला. या विद्यार्थ्यांनी एक ॲप तयार केले असून त्यानुसार स्वतःच पाण्याचे निरीक्षण करणे सोपे होणार आहे. पाणी प्रदुषित असेल, तर त्याची माहिती या ॲपद्वारे लोकांना मिळणार आहे. अलीकडे पाण्याच्या प्रदुषणाची समस्‍या जटिल बनली आहे. त्‍यामुळे हे संशोधन पुरस्कारास पात्र ठरले.

तब्बल दीड कोटींचे पारितोषिक

सदर संशोधनासाठी प्रथमच भारतीय विद्यार्थ्यांची निवड झाली आहे. गोव्यातील विद्यार्थीदेखील नव्या संशोधनात सहभागी होत असल्याचे हे द्योतक आहे. या विद्या‍र्थ्‍यांना ‘आयबीएम’ या संस्थेकडून तब्बल १ कोटी २२९ लाख ०५ हजार ४०० रूपयांचे पारितोषिक देण्यात जाहीर झाले आहे.

Indian students receive international award for pure water research
‘गोबेलिन्स’चे लघुपट आमची संपत्ती

पहिल्यांदाच भारताला हा मान मिळत असल्याने अभिमान तर वाटणारच ना! आम्ही लोकांना शुद्ध पाणी मिळावे, यासाठी कसोशीने या प्रकल्पावर काम केले. त्याची ही पोचपावती आहे.

-संकेत मराठे, आग्नेल तंत्रज्ञान आणि अभियांत्रिकी महाविद्यालयाचा विद्यार्थी

Related Stories

No stories found.
Dainik Gomantak | दैनिक गोमन्तक
www.dainikgomantak.com