'इंदिरा गांधींनीच पहिल्यांदा दिले होते अल्पसंख्याकांविरुध्द बुलडोझर चालवण्याचे आदेश'

देशात बुलडोझरच्या वापरावरुन शाब्दिक युद्ध सुरु असताना, भाजपने (BJP) रविवारी काँग्रेसवर जोरदार प्रहार केला.
'इंदिरा गांधींनीच पहिल्यांदा दिले होते अल्पसंख्याकांविरुध्द बुलडोझर चालवण्याचे आदेश'
indira gandhiDainik Gomantak

देशातील राजकारण मागील काही दिवसांपासून हनुमान चालिसा, बुलडोझर आणि भोंग्याभोवती फेर धरत आहे. यातच आता देशात बुलडोझरच्या वापरावरुन शाब्दिक युद्ध सुरु असतानाच, भाजपने रविवारी काँग्रेसवर (Congress) जोरदार प्रहार केला. भाजपनं म्हटलं की, 'तुर्कमान गेटवरील अल्पसंख्याकांवर बुलडोझर चालवण्याचे आदेश इंदिरा गांधींनीच (Indira Gandhi) दिले होते.' (Indira Gandhi was who first ordered use of bulldozers on minorities at Turkman Gate)

दरम्यान, ट्विटच्या माध्यमातून, भाजपच्या राष्ट्रीय माहिती आणि तंत्रज्ञान विभागाचे प्रभारी अमित मालवीय म्हणाले, "काँग्रेस पक्षातील मनीष तिवारीपासून राहुल गांधींपर्यंत सर्वांनाच स्मृतीभ्रंश आहे की, त्यांना त्यांच्या स्वत:च्या कृष्णकृत्याबद्दल माहिती आहे का? भूतकाळ? नाझी आणि ज्यूंना विसरा, भारतात (India) इंदिरा गांधींनीच पहिल्यांदा तुर्कमान गेटवर अल्पसंख्याकांवर बुलडोझर चालवण्याचा आदेश दिला होता.''

तसेच, "एप्रिल 1976 मध्ये, आणीबाणीच्या काळात, इंदिरा गांधींचे पुत्र संजय गांधी यांनी मुस्लिम स्त्री-पुरुषांना सक्तीने नसबंदी करण्यास भाग पाडले होते. त्यांनी विरोध केला तेव्हा तुर्कमान गेटवर बुलडोझर चालवण्याचा आदेश देण्यात आला. त्यात 20 लोक मरण पावले.

indira gandhi
राहुल गांधींबद्दल बोलताना नेपाळी गायिका खत्री म्हणाल्या...

दुसरीकडे, रविवारी माजी केंद्रीय मंत्री आणि काँग्रेसचे ज्येष्ठ नेते मनीष तिवारींनी ट्विटरवर त्यांनी लिहिलेला लेख शेअर करत म्हटले की, "नाझींनी ज्यूंच्या नरसंहार केला. ज्यूंनी नंतर बुलडोझरचा वापर पॅलेस्टिनींविरुध्द केला. आता भारत सरकार स्वतःच्या फायद्यासाठी बुलडोझरचा वापर अल्पसंख्याकांविरुद्ध करत आहे."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.