जैश-ए-मोहोम्मदच्या तीन अतिरेक्यांचा खात्मा; सर्च ऑपरेशन सुरुच

Jammu Kashmir Encounter: दहशतवाद्यांना शोधण्यासाठी अजूनही या परिसरात शोधमोहीम सुरू असून, मागच्या दोन दिवसांत घडलेली ही चकमकीची ही दुसरी घटना आहे.
3 Terrorist killed in Jammu Kashmir
3 Terrorist killed in Jammu KashmirDainik Gomantak

जम्मू -काश्मीरच्या (Jammu- Kashmir) पुलवामा (Pulwama) जिल्ह्यातील दहशतवाद्यांच्या हालचाली वाढल्या असताना आज अवंतीपोरा येथे झालेल्या चकमकीत सुरक्षा दलांनी तीन दहशतवाद्यांना ठार केले आहे. नागबेरन त्रालच्या जंगलाच्या वरच्या भागात शनिवारी सकाळी दहशतवादी आणि सुरक्षा दलांमध्ये मोठी चकमक झाली. जम्मू-काश्मीर पोलिसांनी सांगितले की, मारले गेलेले सर्व दहशतवादी जैश-ए-मोहम्मद (जेईएम) या बंदी घातलेल्या दहशतवादी संघटनेशी संबंधित होते.

जम्मू -काश्मीर पोलिसांनी ट्वीट करत, बंदी घातलेल्या दहशतवादी संघटनेशी संबंधित 3 अज्ञात दहशतवाद्यांचा खात्मा करण्यात आला आहे. दहशतवाद्यांना शोधण्यासाठी अजूनही या परिसरात शोधमोहीम सुरू असून, मागच्या दोन दिवसांत घडलेली ही चकमकीची ही दुसरी घटना आहे.

अधिकाऱ्यांनी दिलेल्या माहितीनुसार, ऑपरेशन हंगलमार्गचा एक भाग म्हणून व्हिक्टर फोर्स 17 ऑगस्ट 2021 पासून नागबेरन आणि दचिगाम जंगलांच्या वरच्या भागात शोध मोहीम राबवत आहे. या दरम्यान, शनिवारी ऑगस्ट रोजी सकाळी 6:45 वाजता दहशतवाद्यांशी सुरक्षा जवानांची चकमक झाली आणि ऑपरेशनमध्ये तीन दहशतवाद्यांना कंठस्नान घालण्यात आले. दोन AK-47, एक SLR आणि इतर शस्त्रे जप्त करण्यात आली आहेत. ठार झालेले दहशतवादी हे जैश-ए-मोहोम्मद या दहशतवादी संघटनेशी संबंधीत होते, तरी त्यांची ओळख पटलेली नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com