Terror Attack in Jammu: जम्मू-काश्मीरमध्ये पुन्हा एकदा सुरक्षा दलांवर दहशतवादी हल्ला झाला आहे. या हल्ल्यात सीआरपीएफचा एक जवान शहीद झाला आहे. हल्ल्यानंतर संपूर्ण परिसराला सुरक्षा दलांनी वेढा घातला असून शोध मोहीम सुरू करण्यात आली आहे. पुलवामाच्या गंगू भागात आज दहशतवाद्यांनी पोलिसांवर हल्ला केला आणि सीआरपीएफच्या संयुक्त नाका पार्टीवर गोळीबार केला.
या हल्ल्यात सीआरपीएफचे एएसआय विनोद कुमार जखमी झाले. विनोद कुमार यांना उपचारासाठी रुग्णालयात नेण्यात आले मात्र तोपर्यंत ते शहीद झाले होते. जम्मू-काश्मीर पोलिसांनी ट्विट करून याबाबत माहिती दिली आहे.
जम्मू-काश्मीर पोलिसांनी दिलेल्या माहितीनुसार, सफरचंदाच्या बागेत लपलेल्या दहशतवाद्यांनी जवानांवर गोळीबार केला. जवानांनी प्रत्युत्तराची कारवाई सुरू करताच ते पळून गेले आणि या भागात कुठेतरी लपले. लष्कराने परिसराला घेराव घालून शोध मोहीम सुरू केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.