Jammu Kashmir: शोपियानमध्ये पुन्हा काश्मिरी पंडिताची हत्या, सुरक्षा दलाचा परिसराला वेढा

दहशतवाद्यांनी दोन काश्मिरी पंडित बांधवांना गोळ्या घातल्या, ज्यात एकाचा मृत्यू झाला तर दुसऱ्याला गंभीर अवस्थेत रुग्णालयात दाखल करण्यात आले
Goa Crime News
Goa Crime NewsDainik Gomantak

जम्मू-काश्मीरमधील (Jammu Kashmir) शोपियानमध्ये दहशतवाद्यांनी पुन्हा एकदा नागरिकांवर हल्ला केला आहे. दहशतवाद्यांनी दोन काश्मिरी पंडित बांधवांना गोळ्या घातल्या, ज्यात एकाचा मृत्यू झाला तर दुसऱ्याला गंभीर अवस्थेत रुग्णालयात दाखल करण्यात आले.

मिळालेल्या माहितीनुसार, काश्मिरी पंडितांच्या गोळीबाराच्या वृत्तानंतर सुरक्षा दल घटनास्थळी पोहोचले आहेत. तसेच दहशतवाद्यांविरोधात (Terrorists) कारवाई सुरू आहे.

सूत्रांनी दिलेल्या माहितीनुसार, दहशतवाद्यांनी छोटीगाम गावातील अर्जुननाथ कुमार यांचा मुलगा सुनील कुमार आणि पिंटू कुमार नावाच्या दोन काश्मिरी पंडित (Kashmiri Pandit) भावांवर गोळीबार केला.

सुनील कुमारचा जागीच मृत्यू झाला तर त्याचा भाऊ जखमी झाला आहे. सध्या सुरक्षा दलांनी दहशतवाद्यांविरोधात कारवाई सुरू केली आहे.

11 ऑगस्ट रोजी बांदीपोरा येथे मजुराची हत्या झाली

याआधी 11 ऑगस्टच्या रात्री जम्मू-काश्मीरमधील बांदीपोरा जिल्ह्यात दहशतवाद्यांनी बिहारमधील एका मजुराची गोळ्या झाडून हत्या केली होती. मृत मजूर मोहम्मद अमरेजच्या भावाने सांगितले की, तो मध्यरात्री घरातून बाहेर आला तेव्हा त्याला अमरेज रक्ताच्या थारोळ्यात पडलेला दिसला. यानंतर अमरेजला हाजीन येथे आणण्यात आले तेथून त्याची गंभीर प्रकृती पाहून डॉक्टरांनी त्याला रेफर केले, मात्र वाटेतच त्याचा मृत्यू झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com