Kanjhawala case: कंझावाला प्रकरणात आरोपींनीच केला मोठा खुलासा

Kanjhawala case: हत्येचा आरोप लागेल या भीतीने त्यांनी गाडी न थांबवता गाडी चालूच ठेवली.
Kanjhawala case
Kanjhawala caseDainik Gomantak

Kanjhawala case: कंझावाला प्रकरणात दररोज नवनवीन आणि धक्कादायक खुलासे होत आहेत.याआधी, मृत अंजलीची मैत्रीण निधीचा याप्रकरणाबरोबर संबंध लावला जात होता. त्याचबरोबर, 2020 ला निधीला ड्रग्ज प्रकरणात अटक करण्यात आले असल्याचेसमोर आले होते. आता आणखी एक नवीन माहीती समोर आली आहे.

आरोपींनी पोलीसांना अंजली गाडीमध्ये अडकल्याचे माहीत नसल्याचे सांगितले होते. आता अटक असलेल्या आरोपींनी पोलीसांसमोर हे मान्य केले आहे की, त्यांना अंजली गाडीत अडकल्याचे त्यांना माहीत होते . मात्र, हत्येचा आरोप लागेल या भीतीने त्यांनी गाडी न थांबवता गाडी चालूच ठेवली. ती गाडीतून बाहेर निघण्याची वाट बघत गाडी फिरवत राहिल्याचे कबुली दिली आहे. त्याचबरोबर, गाडीत मोठ्याने गाणी चालू नसल्याचेही त्यांनी मान्य केले आहे. याप्रकरणात सात जणांना अटक करण्यात आली होती. त्यापैकी सहा जण पोलीसांच्या अटकेत आहेत तर एकाला जामीन मिळाला आहे.

दरम्यान , 31 डिसेंबरला अंजली आणि निधी गाडीवरुन जात असताना समोरुन वेगात येणाऱ्या कारने त्यांच्या स्कूटीला धडक दिली .या अपघातात( Accident) निधी वाचली मात्र अंजली कारमध्ये अडकली होती. तरुणांनी गाडी न थांबवता ती तशीच सुरु ठेवली 12 किलोमीटर अंजलीला फरफटत नेल्याने तिचा मृत्यू झाला आहे.

Kanjhawala case
Ram Mandir: अयोध्येतील राम मंदिर दहशतवाद्यांच्या रडारवर, ‘या’ जिहादी गटाने मंदिर उडवण्याची दिली धमकी

दिल्ली(Delhi) पोलीस या प्रकरणाची कसून चौकशी करत आहेत. देशाचे गृहमंत्री अमित शहा यांनी या प्रकरणाचा सविस्तर रिपोर्ट लवकरात लवकर सादर करण्याचा आदेश दिला आहे. दिल्ली पोलिस( Police)च्या वरिष्ठ अधिकारी आईपीएस शालिनी सिंह याना व्यापक रिपोर्ट देण्याचे आदेश दिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com