Mysuru Accident: कर्नाटकात सोमवारी दुपारी कार आणि खासगी बसची धडक झाली. ही धडक इतकी भीषण होती की, कारचा चक्काचूर झाला. या अपघातात दोन मुलांसह 10 जणांचा मृत्यू झाला. ही घटना म्हैसूरजवळील तनरसिंगपुरा येथील आहे. या अपघातात कारमधील एक जण थोडक्यात बचावला असून त्याच्यावर उपचार सुरु आहेत.
दरम्यान, म्हैसूर एसपी सीमा यांनी 10 जणांच्या मृत्यूची पुष्टी केली आहे. घटनास्थळी पोहोचल्यानंतर पोलीस बचावकार्य करत असल्याचे त्यांनी सांगितले. अथक परिश्रमानंतर मृतदेह गाडीतून बाहेर काढण्यात आले आहेत. ते पोस्टमॉर्टमसाठी पाठवण्यात आले आहेत. जखमीला रुग्णालयात (Hospital) दाखल करण्यात आले आहे.
याआधी रविवारी कर्नाटकातील कोप्पल जिल्ह्यात कार एका लॉरीला धडकली होती. या अपघातात सहा जणांचा मृत्यू झाला होता.
पोलिसांनी (Police) दिलेल्या माहितीनुसार, राजप्पा बांगोडी, राघवेंद्र, अक्षय शिवशरण, जयश्री, राखी आणि रश्मिका अशी मृतांची नावे आहेत. ही घटना कोप्पल जिल्ह्यातील कुश्तगी तालुक्यातील कालाकेरीजवळ घडली, असे पोलिसांनी सांगितले.
पोलिसांनी पुढे सांगितले की, मृत विजयपूरहून बंगळुरुला जात असताना इंडिका कारचे टायर फुटले आणि एका लॉरीला धडकली. घटनेबाबत अधिक तपशीलाची प्रतीक्षा आहे. दरम्यान, मुख्यमंत्री कार्यालयाने माहिती दिली की, मुख्यमंत्री सिद्धरामय्या यांनी अपघातातील मृतांच्या नातेवाईकांना 2 लाख रुपयांची भरपाई जाहीर केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.