Karnataka Assembly Elections: कर्नाटकात विधानसभा निवडणुकीपूर्वी टिपू सुलतानच्या वादात भाजप आमदार बसनगौडा पाटील यत्नाल यांच्या वक्तव्याने नवा वाद सुरु झाला आहे.
विजयपुरा येथे एका जाहीर सभेला संबोधित करताना बसनागौडा पाटील यत्नल यांनी मुस्लिमांची तुलना टिपू सुलतानशी केली.
एवढेच नाही तर बसनागौडा यांनी लोकांना मुस्लिम नेत्यांना मत देऊ नका असे सांगितले. बसनगौडा पाटील म्हणाले की, आमदार मला विचारतात की तुमच्या मतदारसंघात एक लाख टिपू सुलतान आहेत, मग विजापूरमधून शिवाजी महाराजांचे वंशज कसे जिंकले?
भाजपचे आमदार पाटील म्हणाले की, "सर्व आमदार मला विचारतात की आपल्या क्षेत्रात एक लाखपेक्षा जास्त टिपू सुलतान (मुस्लिम मते) आहेत.
तर शिवाजी महाराजांचा वंशज बिजापूरमधून तुम्ही कसे जिंकता? टिपू सुलतानचे वंशज बिजापूरमध्ये कधीही जिंकू शकत नाहीत. लक्षात ठेवा, आपल्याला मुस्लिमांना (Muslim) मतदान करण्याची गरज नाही.''
कर्नाटकातील (Karnataka) सुमारे 13 टक्के मुस्लिम आहेत. विधानसभेच्या 20 ते 23 जागांमध्ये मुस्लिम मते खूप महत्वाची आहेत. त्याचवेळी, 60 विधानसभा जागांवर मुस्लिम मतदारांचा प्रभाव आहे. सध्या विधानसभेत फक्त 7 मुस्लिम आमदार आहेत आणि सर्व कॉंग्रेसचे आहेत.
मुस्लिम लोकसंख्या सुमारे 13 टक्के आहे
20 ते 23 जागांमध्ये मुस्लिम मते महत्त्वपूर्ण आहेत.
60 जागांवर मुस्लिम मतांचा प्रभाव.
विधानसभेत केवळ 7 मुस्लिम आमदार.
पूर्वी कर्नाटक भाजपचे अध्यक्ष नलिन कुमार काटिल यांनीही टिपू सुलतानबद्दल असेच वक्तव्य केले होते. ते म्हणाले होते की, 'टिपू सुलतानच्या चाहत्यांनी जिवंत राहू नये.' इतकेच नव्हे तर ते टिपू सुलतानच्या वंशजांना जंगलात पाठविण्याविषयी बोलले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
