"मास्क घालणे आवडत नाही, पंतप्रधानांनाही ते आवश्यक वाटत नाही"

कर्नाटकचे अन्न, नागरी पुरवठा आणि ग्राहक व्यवहार आणि वन विभागाचे मंत्री उमेश कट्टी यांनी मास्क घालण्याबाबत वादग्रस्त विधान केले
PM Narendra Modi
PM Narendra ModiDainik Gomantak

एकीकडे देशात कोरोना संसर्गाच्या (Covid-19) रूग्णसंख्येत सातत्याने वाढ होत आहे. तर दुसरीकडे देशातील बड्या नेत्यांची बेजबाबदार वक्तव्ये आणि कृती आणखी त्यात भर टाकून संकट निर्माण करत आहेत. आता कर्नाटकातील (Karnataka) एक मंत्री आणि भाजप नेत्याने मास्क घालण्यास नकार दिला आहे. एका कार्यक्रमात ते मास्क न लावता आले होते. इतकेच नाही तर कर्नाटकचे अन्न, नागरी पुरवठा आणि ग्राहक व्यवहार आणि वन विभागाचे मंत्री उमेश कट्टी यांना या मुद्द्यावर प्रश्न विचारला असता त्यांनी बेजबाबदार विधान केले. ते म्हणाले की, "पंतप्रधान नरेंद्र मोदी (Narendra Modi) म्हणतात की, मास्क घालणे अनिवार्य नाही. ही वैयक्तिक जबाबदारी आहे. ज्याला मास्क घालायचा आहे तो घालू शकतो. पण मला मास्क घालण्यात रस नाही, म्हणून मी मास्क घातला नाही. हा माझा वैयक्तिक निर्णय आहे." (Karnataka Minister on PM Modi Mask controversy updates)

मास्क घालणे हा वैयक्तिक निर्णय

उमेश कट्टी हे एसआर बोम्बई सरकारमध्ये मंत्री आहेत. बेळगावपासून 140 किमी अंतरावर असलेल्या अथणी येथे ते एका कार्यक्रमात सहभागी झाले होते. या कार्यक्रमात माजी उपमुख्यमंत्री आणि भाजपचे आमदार लक्ष्मण सवदी देखील त्यांच्यासोबत सामील झाले. कार्यक्रमाला संबोधित केल्यानंतर ते बाहेर आले तेव्हा मीडियाने त्यांना प्रश्न विचारण्यास सुरुवात केली. त्यावेळीही त्यांनी मास्क घातलेला नव्हता. कट्टी यांनी दावा केला की, पंतप्रधान नरेंद्र मोदी म्हणतात की मास्क घालण्यासाठी कोणावरही निर्बंध लादले जाणार नाहीत. हा प्रश्न लोकांच्या वैयक्तिक निर्णयावर सोडले आहे. मंत्र्यांच्या या वक्तव्यावर विरोधी पक्षांनी तीव्र प्रतिक्रिया व्यक्त केल्या आहेत.

PM Narendra Modi
PM मोदींच्या चालू कार्यक्रमात टेलिप्रॉम्प्टरमध्ये बिघाड अन्...

वादग्रस्त विधानांसाठी ओळखल्या जाते

या प्रसंगानंतर मोठा विरोध आणि टिका प्रतिक्रिया पाहता अखेर मंत्री उमेश कट्टी यांनी स्पष्टीकरण दिले आहे. ते म्हणाले की, "प्रसारमाध्यमांनी आमचे विधान चुकीचे मांडले आहे. सर्व लोकांनी मास्क पॉलिसीचे नियम पाळले पाहिजेत आणि त्यांची जबाबदारी समजून घेतली पाहिजे. माझे विधान काही वेगळे नव्हते. मास्क घालू नये, असे मी कोणालाही सांगितले नाही. मात्र माझ्या विधानाचा चुकीचा संदर्भ देऊन विपर्यास केला जात आहे. या कोरोना महामारीच्या काळात आपण सर्वांनी आपल्या कर्तव्याची जाणीव ठेवली पाहिजे."

PM Narendra Modi
आजपासून यूएस विमानतळांवर 5G लागू, एअर इंडियाने अनेक उड्डाणे केली रद्द

याआधीही उमेश कट्टी आपल्या वादग्रस्त वक्तव्यांमुळे अनेकदा चर्चेत आले आहेत. ज्यांच्याकडे टीव्ही आणि मोटारसायकल आहे त्यांनी बीपीएल कार्ड घेऊ नये. या आदेशाचे पालन न केल्यास केल्यास बीपीएल ग्राहक धारकांवर कारवाई करण्यात येईल. या विधानामुळे ते एकदा चर्चेच आले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com