Kedarnath Temple
Kedarnath TempleDainik Gomantak

Kedarnath Temple: केदारनाथच्या गाभाऱ्याला सोन्याची झळाळी; भिंती आणि छताला सोन्याचे थर

आयआयटी रुरकी, सेंट्रल बिल्डिंग रिसर्च रुरकी आणि एएसआयच्या 6 सदस्यीय टीमनेही कामाची पाहणी केली.

उत्तराखंडमधील जगप्रसिद्ध बाबा केदारनाथ मंदिराच्या (Kedarnath Temple) गभाऱ्याला सोन्याची झळाळी देण्यात आली आहे. मंदिराच्या गर्भगृहाच्या भिंती आणि छताला सोन्याचे 550 थर चढवून सजवण्यात आले आहे. केदारनाथ मंदिराच्या गर्भगृहाच्या सुवर्ण सजावटीचे काम गेल्या तीन दिवसांपासून सुरू होते. गभाऱ्याच्या भिंती आणि छतासाठी 19 कारागिरांनी तीन दिवसांत सोन्याचे 550 थर लावून सजावट केली आहे. यानंतर आयआयटी रुरकी, सेंट्रल बिल्डिंग रिसर्च रुरकी आणि एएसआयच्या 6 सदस्यीय टीमनेही कामाची पाहणी केली.

Kedarnath Temple
Chaar Dhaam Update: केदारनाथसह 'या' तीर्थक्षेत्रांचे दरवाजे राहणार बंद

तज्ञ समितीच्या अहवालानंतर केदारनाथ मंदिराच्या गभाऱ्याला सोन्याचा मुलामा चढवण्याचे काम सुरू करण्यात आले. सर्वप्रथम भिंतींमधून चांदी बाहेर काढण्यात आली. तांब्याच्या मदतीने भिंती आणि छताचे मोजमाप घेण्यात आले. मोजमाप घेण्यात आलेले तांबे महाराष्ट्रात नेण्यात आले. महाराष्ट्रात तांब्याच्या मोजमापावर सोन्याचे थर तयार करण्यात आले. तीन दिवसांपूर्वी 18 खेचरांच्या मदतीने 550 थरांसाठी लागणारे सोने मंदीरात नेण्यात आले होते.

Kedarnath Temple
Rajnath Singh: डर्टी बॉम्बच्या धोक्यानंतर भारताने व्यक्त केली चिंता

दोन एएसआय अधिकाऱ्यांच्या देखरेखीखाली 19 कारागिरांनी गभाऱ्याला सोन्याचे थर लावण्याचे काम केले. मंदिराच्या गभाऱ्याला, चार खांब आणि शिवलिंगाभोवतीच्या पाण्यामध्येही सोन्याचे हे थर बसवण्यात आले आहेत. बाबा केदारनाथ मंदीर 27 ऑक्टोबर सकाळी 8.30 वा. पासून हिवाळ्यानिमित्त बंद केले जाणार आहे. यानंतर बाबा केदारनाथ यांची पंचमुखी पालखी उखीमठ येथील श्री ओंकारेश्वर मंदिराच्या हिवाळी आसनासाठी रवाना होईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com