पाटणा : बिहार विधानसभा निवडणुकीत भाजपच्या आमदारांनी पक्षाच्या उमेदवाराविरोधात मतदान केले तर मंत्रिपद देण्याचे प्रलोभन तुरुंगात असलेले राष्ट्रीय जनता दलाचे (राजद) अध्यक्ष लालू प्रसाद यादव यांनी केल्याचा आरोप भाजपचे ज्येष्ठ नेते माजी उपमुख्यमंत्री सुशीलकुमार मोदी यांनी बुधवारी केला.
याप्रकरणी लालू प्रसाद यादव यांच्यावर कारवाई करण्याची मागणी राष्ट्रीय लोकशाही आघाडी (एनडीए)च्या आमदारांनी केली आहे. मोदी यांनी काल रात्री उशिरा केलेल्या ट्विटमध्ये म्हटले आहे, की त्यांनी लालू यादव यांना दूरध्वनी करून भाजपच्या आमदारांना स्वतःच्या पक्षात ओढून नितीश कुमार यांचे सरकार पाडण्याचा डाव न खेळण्याचा सल्ला दिला. दूरध्वनी स्वतः लालूंनीच घेतला होता. रांची कारागृहात शिक्षा भोगत असलेले लालू प्रसाद यादव हे ‘एनडीए’च्या आमदारांना सतत फोन करून मंत्री बनविण्याचे प्रलोभन देत आहेत. तसेच काही आमदारांना भीतीही दाखवीत आहेत, असा आरोप मोदींनी केला.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.