Jammu And Kashmir: दहशतवाद्याचा कबुलनामा, हल्ल्यासाठी पाकिस्तानी लष्कराने पाठवले

Jammu And Kashmir: राजौरीमध्ये एलओसीजवळ पकडलेल्या दहशतवाद्याने मोठी कबुली दिली आहे.
Terrorists
TerroristsTwitter / ANI

Jammu And Kashmir: राजौरीमध्ये एलओसीजवळ पकडलेल्या दहशतवाद्याने मोठी कबुली दिली आहे. तबराक हुसेन नावाच्या या दहशतवाद्याने कबूल केले की, 'आम्हाला पाकिस्तानी लष्कराच्या अधिकाऱ्याने भारतीय सैन्यांवर हल्ला करण्यासाठी पाठवले होते. त्यासाठी 30 हजार रुपयांचे आमिष देण्यात आले होते. हल्ला करण्यासाठी मी एकटा आलो नव्हतो. माझ्याबरोबर चार-पाच जण होते. आम्ही मोठ्या हल्ल्याची योजना आखली होती.' लष्कराच्या चौकीवर फिदाईन हल्ल्याची पूर्ण तयारी झाली होती, असेही त्याने आपल्या कबुलीजबाबात सांगितले.

दरम्यान, 21 ऑगस्ट रोजी नौशेरा सेक्टरमध्ये घुसखोरीचा प्रयत्न करताना दहशतवादी (Terrorists) तबराक हुसैन पकडला गेला. सतर्क सुरक्षा दलांनी त्याला पाहताच गोळीबार केला. त्यानंतर जखमी अवस्थेत हाती लागलेल्या तबरकला रुग्णालयात दाखल करण्यात आले. शुद्धीवर आल्यानंतर त्याने अनेक महत्त्वाच्या गोष्टी सांगितल्या. तबराक म्हणाला की, 'आयएसआयचे (ISI) कर्नल चौधरी युनूस यांनी माझ्यावर नियंत्रण रेषेवरील लष्करी चौकी पुन्हा घेण्याची जबाबदारी सोपवली होती. या कामासाठी मला 30 हजार रुपये देण्यात आले होते.' यानंतर 21 ऑगस्टला तो एका पोस्टवर फिदाईन हल्ला करणार होता, परंतु घुसखोरीपूर्वीच तो पकडला गेला.

Terrorists
Jammu-Kashmir: घुसखोरांचा LOC जवळ जाण्याचा प्रयत्न; गोळीबारात जखमी

तबराक पुढे म्हणाला की, 'आपल्याला चार-पाच बंदुकाही दिल्या होत्या.' गोळीबारादरम्यामान त्याने आपल्या साथीदारांना मदतीसाठी बोलावले परंतु कोणीही येऊ शकले नाही. आपल्याला सैनिकांवर (Soldiers) फिदाईन हल्ला करण्याचे आदेश देण्यात आल्याचे त्याने स्पष्टपणे सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com