Bangalore: शरीरसंबंध ठेवण्यास नकार दिल्याने नवऱ्याने केली बायकोची हत्या

Crime News: बंगळुरुमधून एक धक्कादायक घटना समोर आली आहे.
Crime News
Crime NewsDainik Gomantak

Bangalore Crime News: बंगळुरुमधून एक धक्कादायक घटना समोर आली आहे. जिथे, एका व्यक्तीने पत्नीने लैंगिक संबंध ठेवण्यास नकार दिल्याने तिची हत्या केली आहे. हत्या केल्यानंतर तिच्या मृतदेहाची विल्हेवाट लावण्यासाठी नराधमाने मृतदेह शिर्डी घाटातील खड्ड्यात फेकून दिला. आश्‍चर्याची गोष्ट म्हणजे, पत्नीची हत्या केल्यानंतर त्याने थेट पोलिस स्टेशन गाठले आणि पत्नी हरवल्याची तक्रार दाखल केली.

रिपोर्टनुसार, आरोपी मूळचा बिहारचा (Bihar) असून तो बेंगळुरुमध्ये इलेक्ट्रिशियन म्हणून काम करत होता. पृथ्वीराज सिंह असे आरोपीचे नाव आहे. आरोपीने नऊ महिन्यांपूर्वी ज्योती कुमारीशी लग्न केले होते. लग्नाच्या वेळी पत्नीने वयाबद्दल चुकीची माहिती दिल्यामुळे मी तिच्यावर रागावलो होतो, असे आरोपीने चौकशीदरम्यान पोलिसांना सांगितले.

Crime News
Delhi HC: Social Media यूजर्संच्या अकाऊंटवर नियंत्रण ठेवण्यासाठी केंद्र नियम बनवत आहे का?

पत्नी कधीच सेक्ससाठी सहमत नव्हती

त्याने पोलिसांना सांगितले की, 'ती माझ्याबरोबर शरीर संबंध ठेवण्यास तयार नव्हती.' आरोपीने (Accused) पोलिसांना पुढे सांगितले की, 'पत्नीने तिचे वय वर्षे 28 असल्याचे कुटुंबीयांना सांगितले होते. परंतु नंतर कळले की, ती माझ्यापेक्षा 10 वर्षांनी मोठी होती. तिचे वय 38 वर्ष होते. ती माझ्याबरोबर शरीर संबंध ठेवण्यास तयार नव्हती. ती सातत्याने माझ्या कुटुंबियांना अपमानित करायची.'

बिहारमधील मित्रालाही फोन केला होता

त्याने पुढे पोलिसांना (Police) सांगितले की, 'रागाच्या भरात ज्योतीला जीवे मारण्याचा निर्णय घेतला. त्यानंतर ज्योतीला मारण्यासाठी समीर कुमारला बोलावून घेतले. 3 ऑगस्ट रोजी आम्ही उडापी गेलो होतो. तिथेच संधीचा शोध घेऊन ज्योतीचा गळा आवळून हत्या केली. त्यानंतर तिचा मृतदेह शिर्डी घाटातील खड्ड्यात फेकून दिला. घटनेच्या दुसऱ्या दिवशी पत्नी हरवल्याची तक्रार पोलिस स्टेशनमध्ये दाखल केली.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com